Maharashtra Weather : राज्यातील 6 जिल्ह्यांमध्ये यलो अलर्ट, वादळ आणि विजांच्या कडकडाटाचा इशारा, मुंबईत हवामान कसे असेल?
Maharashtra Weather Forecast : सोमवारी मुंबईतील बहुतांश भागात ढगाळ आकाश आणि हलक्या पावसाचे संकेत हवामान खात्याने दिले आहेत. यासोबतच 6 जिल्ह्यांमध्ये यलो अलर्ट जारी करण्यात आला आहे.
मुंबई :- राज्यातील हवामान Maharashtra Weather पुन्हा एकदा बदलणार आहे. हवामान खात्याने 6 जिल्ह्यांमध्ये यलो अलर्ट जारी केला आहे. यासोबतच वादळ आणि वीज पडण्याचा इशाराही देण्यात आला आहे. मुंबईतील बहुतांश भागात ढगाळ आकाश आणि हलका पाऊस पडण्याचे संकेत आहेत. या कालावधीत तापमान 26 अंश सेल्सिअस ते 30 अंश सेल्सिअस दरम्यान राहील. वाऱ्याचा वेग ताशी 15 किलोमीटर इतका राहणार आहे. Maharashtra weather Forecast live update news today august 2024 rain alert in mumbai pune monsoon news marathi
हवामान खात्याने अमरावती, बुलढाणा, चंद्रपूर, नागपूर, वर्धा आणि वाशीमसह महाराष्ट्रातील अनेक भागात यलो अलर्ट जारी केला आहे. आता पुण्यासह राज्याच्या काही भागात पावसाचा जोर कमी होताना दिसत आहे. राज्याच्या बहुतांश भागात मान्सूनची कामगिरीही अपवादात्मक ठरली आहे.
हिंगोली वगळता इतर सर्व जिल्ह्यांमध्ये सरासरीपेक्षा जास्त पाऊस झाला आहे. काही जिल्ह्यांमध्ये मुसळधार पाऊसही पडला आहे. यामध्ये पुणे, सातारा आणि कोल्हापूरचा समावेश आहे. आयएमडीच्या आकडेवारीनुसार सांगलीत 63 टक्के तर पुणे जिल्ह्यात 62 टक्के जास्त पाऊस झाला आहे. या पावसाळ्यातील पर्जन्यमानाच्या अभ्यासानुसार महाराष्ट्रातील 36 पैकी 25 जिल्ह्यांमध्ये सरासरीपेक्षा जास्त पाऊस झाल्याचे समोर आले आहे.
हवामान खात्याच्या म्हणण्यानुसार 15 ऑगस्टपर्यंत महाराष्ट्रासह मध्य भारताच्या भागात कमी पाऊस पडण्याचे संकेत आहेत. 16 ऑगस्टनंतर, 23-24 ऑगस्टच्या आसपास मध्य भारतातील भागात पुन्हा एकदा मान्सूनच्या हालचाली तीव्र होण्याची अपेक्षा आहे.
