Lok Sabha Election 2024 : काँग्रेसचे ज्येष्ठ नेते शिवराज पाटील यांची सून अर्चना पाटील यांचा भाजपमध्ये प्रवेश, उपमुख्यमंत्री देवेंद्र फडणवीस यांच्या उपस्थितीत
•Loksabha Election 2024 लोकसभा निवडणुकीपूर्वी काँग्रेसला मोठा धक्का बसला आहे. ज्येष्ठ नेते शिवराज पाटील यांची सून अर्चना पाटील चाकूरकर यांनी भाजपमध्ये प्रवेश केला आहे.
मुंबई :- लोकसभा निवडणुकीपूर्वी काँग्रेसला आणखी एक मोठा धक्का बसला आहे. काँग्रेसचे ज्येष्ठ नेते आणि माजी केंद्रीय गृहमंत्री शिवराज पाटील यांची सून अर्चना पाटील चाकूरकर यांनी शनिवारी (३० मार्च) भाजपमध्ये प्रवेश केला. अर्चना पाटील चाकूरकर यांनी मुंबईत महाराष्ट्राचे उपमुख्यमंत्री देवेंद्र फडणवीस यांच्या उपस्थितीत भाजपमध्ये प्रवेश केला. याआधी शुक्रवारी अर्चना पाटील चाकूरकर यांनी भाजप नेते आणि उपमुख्यमंत्री देवेंद्र फडणवीस यांची भेट घेतली होती.काँग्रेसचे ज्येष्ठ नेते आणि माजी केंद्रीय गृहमंत्री शिवराज पाटील यांची सून अर्चना पाटील चाकूरकर यांनी देवेंद्र फडणवीस यांची भेट घेतल्यापासून त्यांच्या भाजपमध्ये प्रवेशाच्या चर्चांना उधाण आले होते.
अर्चना पाटील चाकूरकर यांचा भाजपमध्ये प्रवेश
काँग्रेसच्या ज्येष्ठ नेत्या आणि माजी केंद्रीय गृहमंत्री शिवराज पाटील यांची सून अर्चना पाटील चाकूरकर यांनी मुंबईत महाराष्ट्राचे उपमुख्यमंत्री देवेंद्र फडणवीस आणि इतर अनेक नेत्यांच्या उपस्थितीत भाजपचे सदस्यत्व स्वीकारले. मिळालेल्या माहितीनुसार, अर्चना भाजपमध्ये प्रवेश करणार असल्याची चर्चा अनेक दिवसांपासून सुरू होती.काँग्रेसमधून भाजपमध्ये दाखल झालेले अशोक चव्हाण यांनी मध्यस्थी करून त्यांचा पक्षप्रवेश केल्याचीही राजकीय वर्तुळात चर्चा आहे, त्यानंतर अर्चना पाटील चाकूरकर यांनी शनिवारी भाजपमध्ये प्रवेश केला.
