Mumbai News : ‘स्टुडंट ऑफ द इयर ३’ चित्रपट वेबसीरिजच्या रूपात येणार?

Mumbai news : मुंबई : करण जोहरच्या लोकप्रिय ‘स्टुडंट ऑफ द इयर’ फ्रँचायझीच्या तिसऱ्या भागाबाबत महत्त्वाची अपडेट समोर आली आहे. ‘बॉलिवूड हंगामा’च्या रिपोर्टनुसार, ‘स्टुडंट ऑफ द इयर ३’ हा चित्रपट न बनवता त्याचे रूपांतर वेबसीरिजमध्ये करण्याचा निर्मात्यांचा विचार सुरू आहे. विशेष म्हणजे, या सीरिजची कथा आणि मांडणी यापूर्वीच्या दोन्ही भागांपेक्षा पूर्णपणे वेगळी असण्याची शक्यता आहे. https://maharashtramirror.com/ Mumbai news

या वेबसीरिजमध्ये बॉलिवूड अभिनेत्री शनाया कपूर मुख्य भूमिकेत दिसू शकते, अशी चर्चा आहे. मात्र, अद्याप निर्मात्यांकडून याबाबत कोणतीही अधिकृत घोषणा करण्यात आलेली नाही. मिळालेल्या माहितीनुसार, ‘स्टुडंट ऑफ द इयर ३’चा टोन आधीच्या चित्रपटांपेक्षा अधिक डार्क आणि बोल्ड असू शकतो. त्यामुळे ही सीरिज प्रेक्षकांसमोर फ्रँचायझीची नवी बाजू घेऊन येण्याची शक्यता आहे.https://maharashtramirror.com/ Mumbai news

करण जोहरच्या ‘स्टुडंट ऑफ द इयर’ फ्रँचायझीची सुरुवात २०१२ मध्ये झाली. या चित्रपटातून सिद्धार्थ मल्होत्रा, वरुण धवन आणि आलिया भट्ट यांनी बॉलिवूडमध्ये पदार्पण केले. चित्रपटाला प्रेक्षकांचा चांगला प्रतिसाद मिळाला आणि तो बॉक्स ऑफिसवर यशस्वी ठरला. त्यानंतर २०१९ मध्ये ‘स्टुडंट ऑफ द इयर २’ प्रदर्शित झाला. या भागात टायगर श्रॉफ, तारा सुतारिया आणि अनन्या पांडे यांनी प्रमुख भूमिका साकारल्या होत्या.https://maharashtramirror.com/ Mumbai news

मात्र, ‘स्टुडंट ऑफ द इयर २’ला पहिल्या भागासारखे यश मिळाले नाही. त्यामुळे तिसरा भाग मोठ्या पडद्यावर प्रदर्शित करण्याऐवजी डिजिटल माध्यमातून सादर करण्याचा निर्णय घेतला जात असल्याचे मानले जात आहे. वेबसीरिजच्या माध्यमातून कथानक अधिक विस्ताराने मांडण्यासोबतच वेगळ्या आणि गंभीर विषयाला स्पर्श करण्याची संधी निर्मात्यांना मिळू शकते.

‘स्टुडंट ऑफ द इयर ३’च्या ओटीटी प्रदर्शनाबाबतही चर्चा सुरू आहे. या शर्यतीत जिओ हॉटस्टारचे नाव आघाडीवर असल्याचे सांगितले जात आहे. निर्माते ही वेबसीरिज जिओ हॉटस्टारवर प्रदर्शित करू शकतात, अशी माहिती समोर आली आहे. मात्र, सीरिजचे ओटीटी प्लॅटफॉर्म, कलाकार आणि प्रदर्शनाची तारीख याबाबत अधिकृत माहिती अद्याप जाहीर करण्यात आलेली नाही.

आता ‘स्टुडंट ऑफ द इयर’ची ही लोकप्रिय फ्रँचायझी वेबसीरिजच्या माध्यमातून नव्या रूपात प्रेक्षकांसमोर येणार का, तसेच शनाया कपूरची यात नेमकी भूमिका काय असेल, याकडे चाहत्यांचे लक्ष लागले आहे.