Sharad Pawar : राष्ट्रवादी काँग्रेसचे सर्वेसर्वा शरद पवार यांची प्रकृती बिघडली; पुण्यातील रुबी हॉल रुग्णालयात दाखल
•सततच्या दौऱ्यांमुळे आणि थकवल्यामुळे तब्येत खालावल्याने रुग्णालयात दाखल; आगामी सर्व नियोजित कार्यक्रम व दौरा तात्पुरता रद्द
1 मिनट पठन
•सततच्या दौऱ्यांमुळे आणि थकवल्यामुळे तब्येत खालावल्याने रुग्णालयात दाखल; आगामी सर्व नियोजित कार्यक्रम व दौरा तात्पुरता रद्द
पुणे :- राष्ट्रवादी काँग्रेस पक्ष शरदचंद्र पवार पक्षाचे राष्ट्रीय अध्यक्ष तथा ज्येष्ठ नेते शरद पवार यांची प्रकृती अचानक बिघडल्यामुळे त्यांना उपचारासाठी पुण्यातील प्रसिद्ध 'रुबी हॉल क्लिनिक' (Ruby Hall Clinic) रुग्णालयात दाखल करण्यात आले आहे. मागील काही दिवसांत त्यांनी सोलापूर जिल्ह्याह विविध भागांत जाऊन दुष्काळग्रस्त भागाची पाहणी केली होती आणि शेतकऱ्यांच्या समस्या जाणून घेतल्या होत्या. या सधन दौऱ्यांनंतर अचानक तब्येत खालावल्यामुळे त्यांना तातडीने रुग्णालयात हलवण्यात आले असून, या वृत्तामुळे राजकीय वर्तुळात आणि कार्यकर्त्यांमध्ये चिंतेचे वातावरण पसरले आहे.
डॉक्टरांकडून विश्रांतीचा सल्ला आणि तब्येत स्थिर असल्याचा दावा
शरद पवार यांच्या प्रकृतीबाबत मिळालेल्या माहितीनुसार, सततच्या धावपळीमुळे आणि कामाच्या व्यापामुळे त्यांना तीव्र थकवा जाणवत होता. वैद्यकीय चाचण्या पूर्ण करण्यासाठी आणि योग्य विश्रांती मिळण्यासाठी त्यांना डॉक्टरांच्या देखरेखीखाली ठेवण्यात आले आहे. सध्या त्यांची प्रकृती पूर्णपणे स्थिर असून नागरिकांनी व कार्यकर्त्यांनी कोणतीही अफवा पसरवू नये किंवा काळजी करू नये, असे आवाहन करण्यात आले आहे. सर्व आवश्यक वैद्यकीय तपासण्या पूर्ण झाल्यानंतर डॉक्टरांच्या सल्ल्यानुसार त्यांना लवकरच डिस्चार्ज मिळण्याची शक्यता वर्तवली जात आहे.
नियोजित दौरे आणि कार्यक्रम रद्द
या प्रकृतीच्या अस्वास्थ्यामुळे शरद पवार यांचे आगामी सर्व नियोजित राजकीय दौरे आणि बैठका तात्पुरत्या स्वरूपात रद्द करण्यात आल्या आहेत. विशेषतः दुष्काळी भागातील पाहणी दौरे आणि पक्षीय कार्यक्रम काही काळासाठी थांबवण्यात आले असून, प्रकृतीत पूर्ण सुधारणा झाल्यानंतर ते पुन्हा राजकीय व सामाजिक प्रवाहात सक्रीय होणार आहेत.