Maharashtra District bank Election Result 2026 : महाराष्ट्र जिल्हा बँक निवडणुकांचे निकाल जाहीर; सांगली, सातारा आणि अहिल्यानगरमधील विजयी उमेदवारांची संपूर्ण यादी समोर
•राज्यातील तीन महत्त्वाच्या जिल्हा मध्यवर्ती सहकारी बँकांच्या निवडणुकीचे निकाल जाहीर; अनेक दिग्गजांचे भाग्य फैसला, महायुती व महाविकास आघाडीत चुरस
1 मिनट पठन
•राज्यातील तीन महत्त्वाच्या जिल्हा मध्यवर्ती सहकारी बँकांच्या निवडणुकीचे निकाल जाहीर; अनेक दिग्गजांचे भाग्य फैसला, महायुती व महाविकास आघाडीत चुरस
सातारा :- राज्यातील सातारा, सांगली आणि अहिल्यानगर जिल्हा मध्यवर्ती सहकारी बँक निवडणुकांचे निकाल मंगळवारी जाहीर झाले आहेत. या तिन्ही बँकांच्या निवडणुकीत काही जागांवर उमेदवार आधीच बिनविरोध निवडून आले होते, तर उर्वरित जागांसाठी झालेल्या अटीतटीच्या मतमोजणीनंतर नवे संचालक स्पष्ट झाले आहेत. या निवडणुकांमुळे राज्यातील ग्रामीण भागातील सहकार आणि राजकारणाला मोठी कलाटणी मिळाली आहे.
सांगली जिल्हा बँकेत काँग्रेस आणि शरद पवार गटाचे वर्चस्व
सांगली जिल्हा मध्यवर्ती सहकारी बँकेच्या 21 पैकी 15 जागा आधीच बिनविरोध झाल्या होत्या, तर उर्वरित जागांच्या निकालानुसार सत्ता स्थापनेसाठी आवश्यक संख्याबळ काँग्रेस आणि शरद पवार यांच्या राष्ट्रवादी पक्षाकडे असल्याचे स्पष्ट झाले आहे. यामध्ये भाजपचे आमदार गोपीचंद पडळकर यांनीही दणदणीत विजय मिळवला आहे. भाजपचे 5, काँग्रेसचे 6, शरद पवार गटाचे 5, शिवसेनेचे 3, अजित पवार गटाचा 1 आणि 1 अपक्ष असे बलाबल पाहायला मिळाले आहे.
सातारा आणि अहिल्यानगरमधील राजकीय घडामोडी
सातारा जिल्हा बँक निवडणुकीत भाजपचे 9, राष्ट्रवादीचे 8, तर शिवसेनेचे 4 उमेदवार विजयी झाले असून येथेही अनेक प्रतिष्ठेच्या लढती पाहायला मिळाल्या. दुसरीकडे, अहिल्यानगर जिल्हा मध्यवर्ती सहकारी बँकेच्या 10 जागांच्या निकालांमध्ये सहकार विकास पॅनेल, सहकार परिवर्तन पॅनेल आणि अपक्ष उमेदवारांमध्ये चुरस दिसून आली. या निकालांमुळे सहकार क्षेत्रातील राजकीय समीकरणे वेगाने बदलत असून विजयी उमेदवारांमध्ये आनंदाचे वातावरण आहे.