Raj Thackeray : फवाद खानच्या नव्या चित्रपटावर राज ठाकरे यांचा विरोध, म्हणाले- पाकिस्तानी चित्रपट भारतात प्रदर्शित होऊ देणार नाही

Raj Thackeray on Fawad khan Movie : यापूर्वीही अशा घटना घडल्या होत्या, तेव्हा मनसेने दिलेला धक्का सर्वांच्या लक्षात असेल, असे राज ठाकरे म्हणाले. त्यामुळे थिएटर मालकांना विनंती आहे की, चित्रपट प्रदर्शित करू नका.

मुंबई :- पाकिस्तानी अभिनेता फवाद Fawad Khan खानचा 'लिजेंड ऑफ मौला जट' हा चित्रपट लवकरच भारतात प्रदर्शित होणार आहे. दरम्यान, हा चित्रपट कोणत्याही परिस्थितीत महाराष्ट्रात प्रदर्शित होऊ देणार नाही, असा इशारा महाराष्ट्र नवनिर्माण सेनेचे अध्यक्ष राज ठाकरे Raj Thackeray यांनी दिला आहे. ते म्हणाले की, पाकिस्तानी कलाकारांचे चित्रपट भारतात का प्रदर्शित होऊ दिले जातात?

राज ठाकरे यांनी त्यांच्या X सोशल मीडिया हँडलवर ट्विट केले आणि म्हटले की,फवाद खान नावाच्या पाकिस्तानी अभिनेत्याचा, 'लिजेंड ऑफ मौला जट' नावाचा सिनेमा लवकरच भारतात प्रदर्शित होणार आहे. महाराष्ट्र नवनिर्माण सेना हा सिनेमा कुठल्याही परिस्थितीत महाराष्ट्रात प्रदर्शित होऊ देणार नाही. पाकिस्तानी कलाकारांचे सिनेमे मुळात भारतात प्रदर्शित का होऊ दिले जातात?

आणि कलेला देशांच्या सीमा नसतात, हे सगळं इतर बाबतीत ठीक आहे, पण पाकिस्तानच्या बाबतीत हे अजिबात चालू देणार नाही. हिंदुस्थानचा द्वेष या एकमेव मुद्द्यावर जो देश तगला आहे, अशा देशातील कलाकारांना इथे आणून नाचवणं, त्यांचे सिनेमे प्रदर्शित करून देणं हा काय प्रकार सुरु आहे? महाराष्ट्र सोडाच पण देशातील कुठल्याच राज्यात हा सिनेमा तिथल्या तिथल्या सरकारांनी प्रदर्शित होऊ नाही दिला पाहिजे.

अर्थात बाकीच्या राज्यांनी काय करायचं हा त्यांचा प्रश्न आहे. महाराष्ट्रात हा सिनेमा रिलीज होऊ दिला जाणार नाही, हे नक्की.

या आधी असे प्रसंग जेंव्हा आले होते तेंव्हा महाराष्ट्र नवनिर्माण सेनेने दिलेला दणका सगळ्यांना आठवत असेल. त्यामुळे थिएटर मालकांना सध्या तरी नम्रपणे आवाहन आहे की उगाच सिनेमा रिलीज करण्याच्या भानगडीत पडू नका.

हा सिनेमा जेंव्हा प्रदर्शित होणार आहे, त्याच्या आसपास नवरात्रौत्सव सुरु होणार आहे. अशावेळेस कुठलाही संघर्ष महाराष्ट्रात व्हावा अशी माझी इच्छा नाही. आणि तशीच ती इच्छा राज्याचे मुख्यमंत्री, गृहमंत्री आणि राज्याच्या पोलीस महासंचालकांची पण नसणार. आणि उगाच संघर्ष आम्हाला पण नको आहे.

त्यामुळे वेळीच पाऊलं उचलून हा सिनेमा आपल्याकडे प्रदर्शित होणार नाही हे पहावं. मराठी सिनेमांना थिएटर्स उपलब्ध करून देताना मागेपुढे करणाऱ्या थिएटर मालकांनी जर पाकिस्तानी सिनेमाला या भूमीत पायघड्या घातल्या, तर हे औदार्य महागात पडेल हे विसरू नये.

कुठल्यातरी पाकिस्तानी सिनेमासाठी राज्यात संघर्ष होऊ नये अशीच माझी इच्छा आहे आणि सरकार त्याकडे योग्य ते लक्ष देईल याची मला खात्री आहे.

फवाद खानचा 'लिजेंड ऑफ मौला जट' पाकिस्तान आणि इतर देशांमध्ये प्रदर्शित झाला असून तो पाकिस्तानचा सर्वाधिक कमाई करणारा चित्रपट ठरला आहे. आता भारतात, झी स्टुडिओने त्याचे कॉपी हक्क विकत घेतले आहेत, जे ते 2 ऑक्टोबर रोजी रिलीज करत आहेत.