Pune News : उन्हाचा चटका अन् आल्हाददायक वातावरणाचा अनुभव

Pune News : पुणे: परतीच्या पावसाच्या प्रतीक्षेत असलेल्या पुणेकरांसाठी भारतीय हवामानशास्त्र विभागाने (आयएमडी) अत्यंत दिलासादायक आणि आनंदाची बातमी दिली आहे. या आठवड्यात पुणे शहर आणि आसपासच्या परिसरात हवामान स्वच्छ आणि प्रसन्न राहण्याचा अंदाज वर्तवण्यात आला आहे. हवामान विभागाने दिलेल्या माहितीनुसार, पाषाण, लोहगाव, चिंचवड, मगरपट्टा, लवळे, कोरेगाव पार्क आणि एनडीए या संपूर्ण भागात दिवसभरात आकाश मुख्यतः निरभ्र राहील. दुपारी किंवा संध्याकाळच्या वेळी काही प्रमाणात अंशतः ढगाळ वातावरण निर्माण होण्याची शक्यता असली, तरी पावसाचा कोणताही मोठा व्यत्यय येणार नाही. हवामान विभागाने दिलेल्या माहितीनुसार, पाषाण, लोहगाव, चिंचवड, मगरपट्टा, लवळे, कोरेगाव पार्क आणि एनडीए या संपूर्ण भागात दिवसभरात आकाश मुख्यतः निरभ्र राहील. दुपारी किंवा संध्याकाळच्या वेळी काही प्रमाणात अंशतः ढगाळ वातावरण निर्माण होण्याची शक्यता असली, तरी पावसाचा कोणताही मोठा व्यत्यय येणार नाही. या आठवड्यात कमाल तापमान ३२ अंश सेल्सिअस ते ३५ अंश सेल्सिअस दरम्यान राहण्याचा अंदाज आहे, ज्यामुळे दुपारी उन्हाचा काहीसा तडाखा जाणवेल. मात्र, रात्रीच्या आणि पहाटेच्या वेळेस किमान तापमान १७.९ अंश ते २४ अंश सेल्सिअसपर्यंत खाली येत असल्याने हवेत छान गारवा आणि आल्हाददायक वातावरण असेल. विशेषतः एनडीए आणि पाषाण परिसरात रात्रीचे तापमान १८ ते १९ अंश सेल्सिअसपर्यंत खाली घसरल्याने नागरिकांना सुखद गारव्याचा अनुभव घेता येईल.