Pune News : शासकीय सुट्टीमुळे पुण्यातील ऑटोरिक्षा मीटर तपासणीचे कामकाज तीन दिवस बंद राहणार

Pune News : पुणे: प्रादेशिक परिवहन कार्यालय (RTO), पुणे द्वारे दिलेल्या माहितीनुसार, येत्या शासकीय सुट्ट्यांच्या कालावधीत पुण्यातील सर्व ऑटोरिक्षा मीटर तपासणी केंद्रे पूर्णपणे बंद राहणार आहेत. २ ऑक्टोबर ते ४ ऑक्टोबर २०२६ या तीन दिवसांच्या कालावधीत ऑटोरिक्षांचे मीटर तपासणीचे कोणतेही कामकाज केले जाणार नाही, अशी अधिकृत माहिती उप प्रादेशिक परिवहन अधिकारी स्वप्निल भोसले यांनी पत्रकाद्वारे दिली आहे.https://maharashtramirror.com/ Pune News

प्रादेशिक परिवहन प्राधिकरण, पुणे यांच्या ३ ऑगस्ट २०२६ रोजी झालेल्या बैठकीत ऑटोरिक्षांच्या भाडेदरवाढीला मंजुरी देण्यात आली होती. या सुधारित भाडेदरवाढीनुसार ऑटोरिक्षांच्या मीटरचे प्रमाणीकरण आणि तपासणी करण्याचे काम सध्या RTO पुणेच्या कार्यक्षेत्रातील चार प्रमुख ठिकाणी वेगाने सुरू आहे.https://maharashtramirror.com/ Pune News

सध्या सुरू असलेली मीटर तपासणी केंद्रे खालीलप्रमाणे आहेत:
१. अलंकार पोलीस स्टेशनसमोर, कर्वेनगर

२. इऑन आयटी पार्कजवळ, खराडी पोलीस चौकीसमोर, खराडी

३. सिंचननगर, रेंजहिल्स कॉर्नर, शिवाजीनगर

४. रामटेकडी इंडस्ट्रियल इस्टेट, इगलबर्ग कंपनीजवळ, लेन नंबर ३, रामटेकडी

शासकीय कॅलेंडरनुसार दिनांक ०२ ऑक्टोबर २०२६, ०३ ऑक्टोबर २०२६ आणि ०४ ऑक्टोबर २०२६ रोजी सलग शासकीय सुट्ट्या येत असल्याने या कालावधीत वरील चारही केंद्रांवरील ऑटोरिक्षा मीटर तपासणीचे काम पूर्णपणे स्थगित राहील. ५ ऑक्टोबरपासून हे कामकाज पूर्ववत सुरू होईल.

या निर्णयामुळे ऑटोरिक्षा चालक व मालकांनी शासकीय सुट्टीच्या दिवसांत मीटर तपासणी केंद्रांवर गर्दी करू नये, असे आवाहन प्रादेशिक परिवहन कार्यालयाकडून करण्यात आले आहे. सर्व ऑटोरिक्षा चालकांनी या बदलाची नोंद घेऊन सहकार्य करावे आणि सुट्टीनंतरच्या दिवसांत ठरवून दिलेल्या वेळेत आपल्या रिक्षांच्या मीटरची तपासणी करून घ्यावी.