PUNE NEWS : पुण्यावर पाणीसंकट; केवळ दोन महिन्यांचा पाणीसाठा शिल्लक

सर्वपक्षीय बैठकीत कृत्रिम पावसाचा पर्याय चर्चेत

पुणे, महाराष्ट्र मिरर, PUNE NEWS: जून महिना संपत आला तरी मान्सूनचा अपेक्षित प्रभाव न दिसल्याने पुणे शहरावर तीव्र पाणीटंचाईचे संकट ओढवले आहे. शहराला पाणीपुरवठा करणाऱ्या चार धरणांमध्ये केवळ दोन महिन्यांसाठी पुरेल इतकाच पाणीसाठा शिल्लक असल्याने पुणे महानगरपालिकेने (पीएमसी) कृत्रिम पाऊस अर्थात मेघबीजनाचा पर्याय गांभीर्याने तपासण्यास सुरुवात केली आहे.PUNE NEWS

सोमवारी (२९ जून) झालेल्या सर्वपक्षीय बैठकीत या विषयावर सविस्तर चर्चा करण्यात आली. बैठकीनंतर महापालिका आयुक्तांना मेघबीजनाच्या तांत्रिक, आर्थिक आणि वैज्ञानिक व्यवहार्यतेचा सर्वसमावेशक अहवाल तातडीने सादर करण्याचे निर्देश देण्यात आले. महाराष्ट्रासह देशातील इतर राज्यांमध्ये यापूर्वी झालेल्या मेघबीजनाच्या प्रयोगांचा अभ्यास, त्यांचे यशाचे प्रमाण, खर्च, तसेच ही प्रक्रिया राबविण्यास सक्षम संस्थांची माहिती अहवालात समाविष्ट केली जाणार आहे.PUNE NEWS

महापालिकेच्या माहितीनुसार, पानशेत, वरसगाव, टेमघर आणि खडकवासला या चार धरणांमध्ये सोमवारी सायंकाळी ६ वाजेपर्यंत एकूण ३.६३ टीएमसी (१२.४५ टक्के) इतकाच पाणीसाठा उपलब्ध होता. गेल्या वर्षी याच दिवशी हा साठा १४.०४ टीएमसी (४८.९० टक्के) होता. त्यामुळे यंदाची परिस्थिती अधिक गंभीर मानली जात आहे.PUNE NEWS

पावसाने ओढ दिल्याने वाढली चिंता
मान्सूनच्या उशिरामुळे धरणांच्या पाणलोट क्षेत्रात पाण्याची आवक अत्यल्प झाली आहे. परिणामी, पुणे महापालिकेने गेल्या पंधरवड्यापासून शहरात एका दिवसाआड पाणीपुरवठा सुरू केला आहे. मात्र, पाणीकपातीचे उपाय करूनही धरणांतील साठा सातत्याने कमी होत असल्याने प्रशासन आणि लोकप्रतिनिधींची चिंता वाढली आहे.

बैठकीत धरणांच्या पाणलोट क्षेत्रावर प्रायोगिक तत्त्वावर मेघबीजन करून पावसाचे प्रमाण वाढवता येईल का, यावर चर्चा झाली. मात्र, कोणताही अंतिम निर्णय घेण्यापूर्वी त्याची वैज्ञानिक परिणामकारकता आणि खर्चाचा सविस्तर अभ्यास करण्याचे निर्देश देण्यात आले आहेत.PUNE NEWS

आयुक्तांचा अहवाल सादर झाल्यानंतर त्याचे पुनरावलोकन करून प्रशासन पुढील निर्णय घेणार आहे. नैसर्गिक पावसावर अवलंबून राहायचे की आपत्कालीन उपाय म्हणून कृत्रिम पावसाचा पर्याय स्वीकारायचा, हे या अहवालातील निष्कर्षांवर अवलंबून असेल.

PUNE NEWS