Pune Crime News | नांदेडसिटी : दारूच्या नशेत पेंटरचा खून : पसार झालेल्या मारेकऱ्यांना २ तासात अटक

पुणे, दि. ३० जुलै, महाराष्ट्र मिरर
Mubarak Jineri | Pune Crime News, Pune News, Nandedcity police

मोबाईलच्या किरकोळ वादातून पेंटिंग काम करणाऱ्या सहकाऱ्यांनी एकाचा खून केल्याची धक्कादायक घटना नांदेडसिटी हद्दीत घडली आहे. खून करून पसार झालेल्या मारेकऱ्यांना पोलीस अंमलदार शिवा क्षीरसागर यांच्या सतर्कतेने २ तासात पोलिसानी ताब्यात घेतले आहे.

साई धाम, प्रभात प्रेस रोड, धायरी या ठिकाणी देवा उर्फ देविदास पालते याचा खून झाला आहे.

दि. २९ रोजी नांदेडसिटी पोलिसांना देवा उर्फ देविदास पालते हा जखमी असल्याची माहिती मिळाली होती. यावेळी पोलीस अंमलदार शिवा क्षीरसागर यांनी तात्काळ घटनास्थळी धाव घेत जखमी देवा पालते व आरोपी यांची प्राथमिक चौकशी करत वरिष्ठाना माहिती दिली. यावेळी रुग्णालयात दाखल करताच जखमी देवा पालते याला मयत घोषित करण्यात आले होते.

वरिष्ठ पोलीस निरीक्षक अतुल भोस यांच्या सूचनेनुसार तपास पथकातील पोलीस अंमलदार प्रतिक मोरे, भीमराज गांगुर्डे, स्वप्नील मगर, शिव क्षीरसागर, राजू वेंगरे आरोपीना शिफातीने ताब्यात घेतले. संशयित आरोपी गजानन राठोड, दिनेश राठोड, महारुद्र गवते अशी आरोपींची नावे आहेत. मोबाईलच्या वादातून खून झाल्याची कबुली आरोपींनी पोलिसांना दिली आहे.

याबाबत नांदेडसिटी पोलीस ठाण्यात गुरन १५८/२०२५ बीएनएस १०३(१), ३ (५) अन्वये गुन्हा दाखल करण्यात आला आहे. अधिक तपास पोलीस करीत आहेत.

हेही वाचा: सिनेमासारखी चोरी, थरारक पाठलाग: 11 लाखांचे कॅमेरे लंपास करणारे भामटे 'विराजे' पोलिसांच्या जाळ्यात!