Mira Bhayandar Police News : मीरा-भाईंदर, वसई-विरार पोलीस आयुक्तालयाचा दणका! 56 हजारांचे पिस्तूल-काडतुसे जप्त

Mira Bhayandar Police Latest News : खंडणी विरोधी पथकाने मुंबई-अहमदाबाद हायवेवर सापळा रचून कळव्यातील गुन्हेगाराला ठोकल्या बेड्या

मीरा-भाईंदर :- मीरा-भाईंदर, वसई-विरार पोलीस आयुक्तालयाच्या खंडणी विरोधी पथकाने अवैधरीत्या अग्नीशस्त्रे बाळगणाऱ्या व्यक्तींवर कारवाई करत एक लक्षवेधी कामगिरी केली आहे. वरिष्ठांनी दिलेल्या सूचनेनुसार गुप्त माहितीच्या आधारावर सापळा रचून पोलिसांनी एका आरोपीला अटक केली आहे. Mira Bhayandar Police Latest News

2 नोव्हेंबर रोजी गुप्त बातमीदारामार्फत पोलीस निरीक्षक राहुल राख यांना माहिती मिळाली की, मुंबई-अहमदाबाद हायवेवरील शिरसाड फाटा येथील भारत पेट्रोल पंपाजवळ, साई लिला धाब्यासमोर अहमदाबाद वाहिनीवर एक इसम अग्नीशस्त्र घेऊन येणार आहे. या माहितीच्या आधारे खंडणी विरोधी पथकाच्या अधिकारी आणि अंमलदारांनी तात्काळ कारवाई करत निखील राजू यादव (वय 27, रा. कळवा पूर्व, जि. ठाणे) या आरोपीस ताब्यात घेतले. Mira Bhayandar Latest Crime News

आरोपी निखील राजू यादव याच्याकडून 01 अग्नीशस्त्र, 04 जिवंत काडतुसे आणि एक मोबाईल असा एकूण 56 हजार 200 रुपये किंमतीचा मुद्देमाल पोलिसांनी हस्तगत केला. याप्रकरणी निखील यादव याच्याविरोधात मांडवी पोलीस ठाणे येथे भारतीय हत्यार कायदा कलम 3, 25 (B) (a) प्रमाणे गुन्हा दाखल करण्यात आला असून, मांडवी पोलीस ठाणे या गुन्ह्याचा पुढील तपास करत आहे.

पोलीस आयुक्त निकेत कौशीक आणि इतर वरिष्ठ अधिकाऱ्यांच्या मार्गदर्शनाखाली गुन्हे शाखेच्या Mira Bhayandar Crime Branch खंडणी विरोधी पथकाने ही कारवाई यशस्वीरित्या पार पाडली.