Jalana News : मनोज जरांगे यांच्या उपोषणाचा बारावा दिवस; वैद्यकीय पथकांकडून २४ तास आरोग्य तपासणी

Jalana News : जालना : मराठा समाजाच्या विविध मागण्यांसाठी मनोज जरांगे पाटील हे २९ ऑगस्टपासून अंतरवाली सराटी येथे अन्न व पाण्याविना उपोषणाला बसले आहेत. त्यांच्या प्रकृतीवर लक्ष ठेवण्यासाठी जिल्हा सामान्य रुग्णालय तसेच जिल्हा आरोग्य अधिकारी यांच्या अधिपत्याखालील वैद्यकीय पथके २४ तास कार्यरत आहेत.https://maharashtramirror.com/ jalana News

उपोषणाचा बारावा दिवस सुरू असल्याने जरांगे यांच्या प्रकृतीची नियमित तपासणी करण्यात येत आहे. काल त्यांच्या प्रकृतीची तपासणी करून त्यांना सात सलाईन लावण्यात आल्या होत्या. आज दुपारीही वैद्यकीय पथकाने त्यांची तपासणी केली. त्यानंतर प्रकृती लक्षात घेऊन त्यांना एक सलाईन लावण्यात आल्याची माहिती जिल्हा आरोग्य यंत्रणेने दिली. https://maharashtramirror.com/ jalana News

दीर्घकाळ अन्न व पाण्याचे सेवन न केल्याने शरीरावर होणारे संभाव्य परिणाम आणि आरोग्यविषयक धोक्यांची माहिती वैद्यकीय पथकाकडून जरांगे यांना देण्यात आली आहे. तसेच प्रकृती अधिक बिघडल्यास रुग्णालयात उपचार घेण्याची गरज असल्याचेही त्यांना समजावून सांगण्यात आले.https://maharashtramirror.com/ Jalana News

मात्र, रुग्णालयात दाखल होऊन उपचार घेण्यास मनोज जरांगे पाटील यांनी अद्याप संमती दिलेली नसल्याचे जिल्हा सामान्य रुग्णालयाने स्पष्ट केले आहे. त्यामुळे त्यांच्या प्रकृतीवर वैद्यकीय पथकाकडून सातत्याने लक्ष ठेवण्यात येत असून, आवश्यकतेनुसार उपचार केले जात आहेत.

दरम्यान, उपोषणाचा कालावधी वाढत असल्याने जरांगे यांच्या प्रकृतीबाबत समर्थक आणि मराठा समाजामध्येही चिंता व्यक्त होत आहे. त्यांच्या आरोग्याची स्थिती लक्षात घेता पुढील काळात वैद्यकीय पथकाची भूमिका महत्त्वाची ठरणार आहे.