Maharashtra Politics : मराठीला अभिजात भाषेचा दर्जा, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी पंतप्रधान नरेंद्र मोदींचे मानले आभार

•आपल्या प्रिय भाषेचा आदर केल्याबद्दल आपण पंतप्रधान नरेंद्र मोदी यांचे आभारी आहोत, असे महाराष्ट्राचे मुख्यमंत्री एकनाथ शिंदे म्हणाले.

मुंबई :- मराठीला अभिजात भाषेचा दर्जा देण्यास केंद्रीय मंत्रिमंडळाने मान्यता दिली आहे. केंद्र सरकारच्या या निर्णयाचे शिंदे सरकारने स्वागत केले आहे. त्याचवेळी राज्याचे उपमुख्यमंत्री देवेंद्र फडणवीस यांनीही या निर्णयाबद्दल पंतप्रधान मोदींचे आभार मानले आणि महाराष्ट्रासाठी हा ऐतिहासिक दिवस असल्याचे म्हटले.

मुख्यमंत्री एकनाथ शिंदे Eknath Shinde यांनी सोशल मीडिया प्लॅटफॉर्मवर लिहिले,माझा मराठाचि बोलु कौतुके।
परि अमृतातें ही पैजा जिंके ॥
समस्त मराठी जनांचे हार्दिक अभिनंदन!!!

अखेर माय मराठीला अभिजात भाषेचा दर्जा मिळाला! एका लढ्याला यश आले. यासाठी महाराष्ट्र सरकारने केंद्राकडे सतत पाठपुरवठा केला होता. आपल्या लाडक्या भाषेचा यथोचित सन्मान केल्याबद्दल पंतप्रधान नरेंद्र मोदीजी PM Narendra Modi, केंद्रीय गृहमंत्री अमित शाह जी तसेच केंद्रीय सांस्कृतिक मंत्री श्री. गजेंद्रसिंह शेखावत यांचे आम्ही आभार मानतो. या कामात अनेक मराठी भाषक, विचारवंत, भाषेचे अभ्यासक, साहित्यिक आणि समीक्षकांचे साह्य झाले. त्यांचेही मन:पूर्वक आभार!

मराठी इतिहासातील ऐतिहासिक दिवस - देवेंद्र फडणवीस

उपमुख्यमंत्री देवेंद्र फडणवीस Devendra Fadnavis यांनीही मराठीला अभिजात भाषेचा दर्जा देण्याच्या केंद्राच्या निर्णयाचे स्वागत केले. ते म्हणाले, “आजचा दिवस मराठीच्या इतिहासातील ऐतिहासिक दिवस आहे. मराठी भाषेला विशेष भाषेचा दर्जा देण्याचा निर्णय आज केंद्रीय मंत्रिमंडळाने घेतला.महाराष्ट्रातील 12 कोटी जनतेच्या वतीने आम्ही पंतप्रधान नरेंद्र मोदीजी आणि केंद्रीय मंत्रिमंडळातील सर्व माननीय मंत्र्यांचे मनःपूर्वक आभार व्यक्त करतो.

लीलाचरित्र, ज्ञानेश्वरी, विवेक सिंधू अशा अनेक ग्रंथांच्या आधारे मराठी भाषा अभिजात सिद्ध करण्यात अनेक लहान-मोठ्या विद्वानांनी योगदान दिले. त्याचाही मी खूप ऋणी आहे. नवरात्रीच्या पहिल्या दिवशी हा आशीर्वाद मनाला अतिशय आनंददायी अनुभूती देतो.महाराष्ट्रातील आणि जगभरातील तमाम मराठी लोकांचे मी मनःपूर्वक अभिनंदन करतो. मराठी भाषेच्या सर्वांगीण विकासासाठी केंद्र सरकारच्या स्तरावर अनुदानासह सर्व सहकार्य मिळण्याचा मार्ग मोकळा झाला आहे.

पंतप्रधान नरेंद्र मोदी यांचे ट्विट
मराठी भाषा ही भारताचा अभिमान आहे. या अद्वितीय भाषेला अभिजात भाषेचा दर्जा मिळाल्याबद्दल अभिनंदन. हा सन्मान म्हणजे मराठी भाषेने आपल्या देशाच्या इतिहासात दिलेल्या समृद्ध सांस्कृतिक योगदानाचा गौरवच आहे. मराठी भाषा ही कायमच भारतीय वारशाचा आधारस्तंभ राहिली आहे. मला खात्री आहे की अभिजात भाषेचा दर्जा मिळाल्याने ही भाषा शिकण्यासाठी असंख्य लोकांना प्रेरणा मिळेल.

हेही वाचा: Credit Card द्वारे ऑनलाईन शॉपिंगच्या दरम्यान फसवणूक!