Beed News : राष्ट्रवादी काँग्रेसला मोठा धक्का; बीडमधील नेते कराळे मास्टर यांची शरद पवार पक्षातून हकालपट्टी, राजकीय वर्तुळात चर्चांना उधाण

Beed News :बीड :- राष्ट्रवादी काँग्रेस शरदचंद्र पवार पक्षाला बीड जिल्ह्यात मोठा धक्का बसला आहे. पक्षाच्या विरोधात भूमिका घेणे आणि वादग्रस्त वक्तव्ये करणे भोवल्यामुळे आक्रमक वक्ता म्हणून परिचित असलेले कराळे मास्टर (बाळासाहेब कराळे) यांची पक्षातून अधिकृतपणे हकालपट्टी करण्यात आली आहे. पक्षाच्या अनुशासन समितीच्या निर्देशानुसार ही मोठी कारवाई करण्यात आली असून, यामुळे मराठवाड्यातील राजकीय वर्तुळात जोरदार चर्चांना उधाण आले आहे.https://maharashtramirror.com/ Beed News

कराळे मास्टर यांनी गेल्या काही काळापासून पक्षीय धोरणांच्या विरुद्ध भूमिका घेत पक्षाची प्रतिमा मलिन होईल अशी विधाने केली होती, अशी तक्रार पक्षांतर्गत नेत्यांनी केली होती. पक्षाच्या वरिष्ठांच्या सूचनेनुसार आणि शिस्तभंगाच्या कारवाईचा बडगा उगारत त्यांना पक्षातून बाहेरचा रस्ता दाखवण्यात आला आहे. महाविकास आघााडीतील व विशेषतः शरद पवार गटाच्या वर्तुळात ही कारवाई अत्यंत महत्त्वाची मानली जात असून, यामुळे आगामी निवडणुकीच्या तोंडावर बीडच्या राजकारणात नवी समीकरणे तयार होण्याची शक्यता वर्तवली जात आहे.

पक्षातून हकालपट्टी झाल्यानंतर आता कराळे मास्टर काय भूमिका घेतात आणि विरोधकांवर कसा पलटवार करतात, याकडे सर्वांचे लक्ष लागले आहे. एकीकडे मराठा आरक्षण, विविध सामाजिक आंदोलने आणि राजकीय घडामोडींमुळे महाराष्ट्राचे वातावरण आधीच तापलेले असताना, कराळे मास्टर यांच्यासारख्या आक्रमक नेत्यावर पक्षीय पातळीवर झालेली कारवाई राजकीय पटलावर मोठे फेरबदल घडवून आणू शकते.