Ceptown News : जोश इंग्लिसची ऐतिहासिक कामगिरी; तिन्ही क्रिकेट प्रकारांत शतकांचा विक्रम

Ceptown News :केपटाऊन : ऑस्ट्रेलियाचा यष्टीरक्षक-फलंदाज जोश इंग्लिस याने दक्षिण आफ्रिकेविरुद्धच्या तिसऱ्या कसोटी सामन्यात १०२ धावांची शानदार खेळी करत ऐतिहासिक कामगिरी केली. तिन्ही प्रकारच्या आंतरराष्ट्रीय क्रिकेटमध्ये प्रत्येकी दोन शतके झळकावणारा तो ऑस्ट्रेलियाचा पहिला फलंदाज ठरला आहे.https://maharashtramirror.com/ Ceptown News
इंग्लिसने १३५ चेंडूंत ११ चौकार आणि दोन षटकारांच्या मदतीने १०२ धावा केल्या. त्याच्या या खेळीमुळे ऑस्ट्रेलियाला पहिल्या डावात महत्त्वपूर्ण आघाडी मिळवण्यात मदत झाली. दक्षिण आफ्रिकेचा पहिला डाव ३२९ धावांवर संपुष्टात आल्यानंतर ऑस्ट्रेलियाने पहिल्या डावात ४२९ धावा केल्या आणि १०० धावांची आघाडी घेतली.

इंग्लिसने कसोटी, एकदिवसीय आणि टी-२० आंतरराष्ट्रीय क्रिकेटमध्ये प्रत्येकी दोन शतके पूर्ण केली आहेत. त्याने २०२५ मध्ये श्रीलंकेविरुद्ध कसोटी पदार्पणातच पहिले शतक झळकावले होते. दक्षिण आफ्रिकेविरुद्धचे शतक हे त्याचे कसोटी क्रिकेटमधील दुसरे शतक ठरले. विशेष म्हणजे, जवळपास वर्षभरानंतर कसोटी संघात पुनरागमन करताना इंग्लिसने ही कामगिरी केली. त्याच्या शतकी खेळीमुळे ऑस्ट्रेलियाची निर्णायक कसोटीत स्थिती मजबूत झाली.