Nishin News : श्रीलंकेचा धुव्वा; सुवर्णपदकासाठी भारत-पाकिस्तान महामुकाबला

Nishin News :निशिन : ईशान किशनची संकटमोचक फलंदाजी आणि त्यानंतर गोलंदाजांनी केलेल्या भेदक माऱ्याच्या जोरावर भारताने आशियाई क्रीडा स्पर्धेच्या पुरुष टी-20 क्रिकेटमध्ये श्रीलंकेचा 124 धावांनी पराभव करत अंतिम फेरीत प्रवेश केला. भारताने प्रथम फलंदाजी करताना 20 षटकांत सात बाद 169 धावा केल्या. प्रत्युत्तरात श्रीलंकेचा डाव अवघ्या 45 धावांत आटोपला. आता सुवर्णपदकासाठी भारताची लढत 3 ऑक्टोबरला पारंपरिक प्रतिस्पर्धी पाकिस्तानशी होणार आहे.https://maharashtramirror.com/ Nishin News

भारताची सुरुवात मात्र निराशाजनक झाली. अभिषेक शर्मा आणि संजू सॅमसन प्रत्येकी सात धावांवर माघारी परतल्याने भारताची अवस्था दोन बाद 24 अशी झाली होती. त्यानंतर वैभव सूर्यवंशीने आक्रमक फलंदाजी करत डावाला वेग दिला. त्याने 21 चेंडूंत सहा चौकार आणि दोन षटकारांच्या मदतीने 38 धावा केल्या.https://maharashtramirror.com/ Nishin News

मधल्या फळीत पुन्हा विकेट पडत असताना ईशान किशनने एक बाजू भक्कमपणे सांभाळली. सुरुवातीला संयमी खेळ करणाऱ्या किशनने नंतर श्रीलंकेच्या गोलंदाजांवर आक्रमण केले. त्याने 46 चेंडूंत चार चौकार आणि पाच षटकारांसह नाबाद 80 धावा करत भारताला 169 धावांपर्यंत पोहोचवले. कर्णधार श्रेयस अय्यरने 13, अक्षर पटेलने आठ, तर शिवम दुबेने तीन धावा केल्या.

पहिल्याच षटकात बुमराहचा दुहेरी धक्का

170 धावांचे लक्ष्य घेऊन मैदानात उतरलेल्या श्रीलंकेला जसप्रीत बुमराहने पहिल्याच षटकात दोन धक्के दिले. सिनेथ जयवर्धने आणि सोहन डी लिवेरा यांना खातेही उघडता आले नाही. त्यानंतर भारतीय क्षेत्ररक्षण आणि फिरकी गोलंदाजीसमोर श्रीलंकेची घसरण सुरूच राहिली.

अक्षर पटेलनेही एकाच षटकात दोन फलंदाजांना माघारी पाठवत श्रीलंकेच्या पुनरागमनाच्या आशा संपुष्टात आणल्या. बुमराह, अक्षर आणि अभिषेक शर्मा यांनी प्रत्येकी दोन बळी घेतले. श्रीलंकेचा संपूर्ण संघ 45 धावांत गारद झाला आणि भारताने 124 धावांनी विजयावर शिक्कामोर्तब केले.

दुसऱ्या उपांत्य सामन्यात पाकिस्तानने बांगलादेशचा सहा गडी राखून पराभव करत अंतिम फेरी गाठली. त्यामुळे आता 3 ऑक्टोबरला भारत आणि पाकिस्तान हे पारंपरिक प्रतिस्पर्धी आशियाई क्रीडा स्पर्धेच्या सुवर्णपदकासाठी आमनेसामने येणार आहेत.