IND vs NZ: उद्या रंगणार पहिला टी-20 सामना! शुबमन गिलला डच्चू, तर संजू सॅमसनला मिळणार नवी जबाबदारी; अशी असेल भारताची 'प्लेईंग 11'

IND VS NZ T20 : अभिषेक-संजूची जोडी करणार डावाची सुरुवात; टिळक वर्माच्या अनुपस्थितीत सूर्यकुमार आणि ईशान किशनवर मधल्या फळीची मदार

IND vs NZ T-20 :- भारत आणि न्यूझीलंड यांच्यातील टी-20 मालिकेतील पहिला सामना उद्या खेळवला जाणार आहे. या मालिकेसाठी भारतीय संघातून सलामीवीर शुबमन गिलला बाहेरचा रस्ता दाखवण्यात आल्याने सलामीच्या जोडीत मोठे फेरबदल होणार आहेत. आता अभिषेक शर्मा आणि संजू सॅमसन ही जोडी भारतीय डावाची सुरुवात करण्याची दाट शक्यता आहे. संजू सॅमसनला सलामीला संधी मिळाल्यास तो आपल्या स्फोटक फलंदाजीने न्यूझीलंडच्या गोलंदाजांवर दडपण आणू शकतो.

मधली फळी आणि अष्टपैलू खेळाडू

स्टार फलंदाज टिळक वर्मा दुखापतीमुळे मालिकेतून बाहेर गेल्याने तिसऱ्या क्रमांकाची जबाबदारी स्वतः कर्णधार सूर्यकुमार यादव सांभाळू शकतो. चौथ्या क्रमांकावर ईशान किशनला संधी मिळण्याची शक्यता आहे, जो डावाला स्थैर्य आणि वेग दोन्ही देऊ शकतो. अष्टपैलू खेळाडूंच्या श्रेणीत हार्दिक पंड्या पाचव्या क्रमांकावर आपली ताकद दाखवेल, तर त्यानंतर रिंकू सिंग आणि अक्षर पटेल फिनिशरची भूमिका बजावतील.

गोलंदाजीतील पेच: निवड समितीसमोर शिवम दुबे की हर्षित राणा असा पेच निर्माण झाला आहे. हर्षित राणाने अलीकडे गोलंदाजीसह फलंदाजीतही चांगली कामगिरी केल्याने त्याला प्राधान्य दिले जाऊ शकते. वेगवान गोलंदाजीची धुरा जसप्रीत बुमराह आणि अर्शदीप सिंग या अनुभवी जोडीकडे असेल, तर फिरकीसाठी वरुण चक्रवर्तीला संधी मिळणे जवळजवळ निश्चित आहे.

भारताची संभाव्य प्लेईंग 11 क्रमांक खेळाडूचे नाव भूमिका