Mumbai News : राहुल गांधी, काँग्रेसवर फडणवीसांचा हल्लाबोल

Mumbai News :महत्वाचे मुद्दे
*काँग्रेसनेच आणीबाणीच्या काळात संविधानाची पायमल्ली केल्याचा आरोप
*काँग्रेस आणि राहुल गांधी हेच खरे 'संविधान चोर' आहेत असा दावाhttps://maharashtramirror.com/ Mumbai news
*
Mumbai News :मुंबई: लोकशाही आणि संविधानाच्या रक्षणाचा आव आणणाऱ्या काँग्रेसनेच आणीबाणीच्या काळात संविधानाची पायमल्ली केली होती. त्यामुळे आज मतचोरीचा आरोप करणाऱ्या काँग्रेसने आधी स्वतःच्या इतिहासाकडे पाहावे. काँग्रेस आणि राहुल गांधी हेच खरे 'संविधान चोर' आहेत, अशा शब्दांत मुख्यमंत्री देवेंद्र फडणवीस यांनी काँग्रेस नेते राहुल गांधी यांच्यावर जोरदार टीका केली. ठाणे येथे रविवारी (१ नोव्हेंबर) आयोजित महायुतीच्या लोकशाही बचाव मोर्चात ते बोलत होते.https://maharashtramirror.com/ Mumbai news

विरोधकांकडून निवडणूक आयोगाच्या कामकाजावर प्रश्नचिन्ह उपस्थित केले जात असून, मुख्य निवडणूक आयुक्त ज्ञानेश कुमार यांच्या राजीनाम्याची मागणी केली जात आहे. मतदार याद्यांच्या विशेष सखोल पुनरावलोकनाच्या (एसआयआर) प्रक्रियेत अनियमितता झाल्याचा आरोप करत इंडिया आघाडीने दिल्लीमध्ये आंदोलन केले. या पार्श्वभूमीवर महायुतीने ठाण्यात 'लोकशाही बचाव, अराजकता हटाव' मोर्चाचे आयोजन केले होते.https://maharashtramirror.com/ Mumbai news

१९७५ मध्ये इंदिरा गांधी यांनी आणीबाणी लादली
फडणवीस म्हणाले, १९७५ मध्ये तत्कालीन पंतप्रधान इंदिरा गांधी यांनी देशावर आणीबाणी लादली. त्यावेळी संविधानात बदल करून सर्वोच्च न्यायालयाचे अधिकार मर्यादित करण्याचा प्रयत्न करण्यात आला. डॉ. बाबासाहेब आंबेडकर यांनी संविधानाच्या माध्यमातून न्यायव्यवस्थेला दिलेले अधिकार काँग्रेसने हिरावून घेतले. नागरिकांचे मूलभूत अधिकारही निलंबित करण्यात आले. मात्र, १९७७ मध्ये जनता पक्षाचे सरकार सत्तेवर आल्यानंतर हे अधिकार पुन्हा बहाल करण्यात आले.

आज राहुल गांधी आणि काँग्रेसकडून निवडणूक आयोग, सर्वोच्च न्यायालय तसेच अन्य घटनात्मक संस्थांवर अविश्वास निर्माण केला जात आहे. या संस्थांना बदनाम करून संविधान कमकुवत करण्याचा विरोधकांचा प्रयत्न असल्याचा आरोपही त्यांनी केला.

सुमारे अडीच कोटी मृत व्यक्तींची नावे वगळली
दरम्यान, मतदार याद्यांच्या एसआयआर प्रक्रियेचे समर्थन करताना फडणवीस यांनी काँग्रेसला लक्ष्य केले. मृत मतदारांची नावे मतदार यादीतून वगळण्यास काँग्रेसचा विरोध का आहे, असा सवाल त्यांनी उपस्थित केला. सुमारे अडीच कोटी मृत व्यक्तींची नावे वगळण्याच्या प्रक्रियेवर काँग्रेसने स्पष्टीकरण द्यावे, असे आव्हान त्यांनी दिले. यापूर्वी काँग्रेसच्या सत्ताकाळातही आठ वेळा एसआयआर प्रक्रिया राबविण्यात आल्याचा दावा त्यांनी केला. यावेळी राजकीय पक्षांना बूथस्तरीय प्रतिनिधी नियुक्त करून मतदार यादीतील त्रुटी निदर्शनास आणण्याची संधी देण्यात आल्याचेही त्यांनी सांगितले. या मोर्चात उपमुख्यमंत्री एकनाथ शिंदे, केंद्रीय मंत्री भूपेंद्र यादव यांच्यासह भाजप आणि शिवसेनेचे अनेक नेते, मंत्री आणि पदाधिकारी सहभागी झाले होते. विरोधकांच्या आंदोलनाला प्रत्युत्तर देण्यासाठी आयोजित या मोर्चातून सत्ताधारी महायुतीने काँग्रेसविरोधात आक्रमक भूमिका घेतली.