CM Eknath Shinde : एकनाथ शिंदे यांची शिवसेना विधीमंडळ नेतेपदी निवड, त्यांना मुख्यमंत्री करण्याची मागणी

Shivsena Eknath Shinde : शिवसेना आमदारांनी एकनाथ शिंदे यांची विधीमंडळ पक्षनेतेपदी निवड केली आहे. मंत्रिमंडळ आणि शपथविधी प्रक्रियेबाबतचे सर्व निर्णय घेण्याचे अधिकारही त्यांना देण्याचा निर्णय घेण्यात आला आहे.

मुंबई :- रविवारी सायंकाळी झालेल्या बैठकीत एकनाथ शिंदे Shivsena Eknath Shinde यांची शिवसेना विधिमंडळ पक्षनेतेपदी एकमताने निवड करण्यात आली. मुख्यमंत्री एकनाथ शिंदे यांच्या अध्यक्षतेखाली झालेल्या पक्षाच्या बैठकीत शिवसेना नेते उदय सामंत यांनी हा प्रस्ताव मांडला.बैठकीनंतर शिवसेना नेते उदय सामंत म्हणाले की, मंत्रिमंडळ आणि शपथविधीबाबत निर्णय घेण्याचे सर्व अधिकार पक्षनेत्यांनी एकनाथ शिंदे यांना देण्याचा निर्णय घेतला आहे.

बैठकीनंतर पक्षाचे नेते आणि औरंगाबाद पश्चिमचे नवनिर्वाचित आमदार संजय शिरसाट यांनी सांगितले की, महायुतीचे नेते सोमवारी दिल्लीला जाणार आहेत.आपल्या पक्षाचा नेता मुख्यमंत्री व्हावा, अशी प्रत्येक कार्यकर्त्यांची इच्छा असते, मात्र अंतिम निर्णय एकनाथ शिंदे, देवेंद्र फडणवीस आणि अजित पवार यांच्यावर अवलंबून आहे. दरम्यान, शिवसेनेचे नेते राहुल शेवाळे म्हणाले की, सर्व नवनिर्वाचित आमदारांनी एकमताने मुख्यमंत्री एकनाथ शिंदे यांची नेतेपदी निवड केली आहे.

विजयानंतर महाराष्ट्राचे मुख्यमंत्री एकनाथ शिंदे यांनी रविवारी 'माझी लाडकी बहिण' योजनेच्या लाभार्थ्यांची भेट घेतली आणि विधानसभा निवडणुकीत महायुतीच्या ऐतिहासिक विजयाबद्दल त्यांचे आभार मानले.यावेळी उपस्थितांना संबोधित करताना मुख्यमंत्री शिंदे म्हणाले की, सरकार लवकरच आश्वासनानुसार ही रक्कम 2100 रुपये करणार आहे.