छत्रपती संभाजीनगर जिल्हा परिषद निवडणूक: ठाकरे गटाची 'तटस्थ' भूमिका; भाजपचा मार्ग सुकर, शिंदे गटाला फटका?

Chatrapati Sambhaji Nagar Latest News : अंबादास दानवेंचा 'व्हीप' आणि दोन सदस्यांचे पलायन; जिल्हा परिषदेच्या सत्तेसाठी भाजपची 'मॅजिक फिगर' जवळ

छत्रपती संभाजीनगर :- राज्यातील 5 जिल्हा परिषदांच्या अध्यक्ष आणि उपाध्यक्षपदासाठी आज (18 मार्च 2026) निवडणूक होत असून, छत्रपती संभाजीनगरमध्ये राजकीय पेच निर्माण झाला आहे. शिवसेना (उद्धव बाळासाहेब ठाकरे) पक्षाने या निवडणुकीत 'तटस्थ' राहण्याचा निर्णय घेतल्याने भाजपला मोठा फायदा मिळण्याची शक्यता निर्माण झाली आहे.

अंबादास दानवेंचा खळबळजनक 'व्हीप'

ठाकरे गटाचे जिल्हाप्रमुख आणि नेते अंबादास दानवे यांनी पक्षाच्या सदस्यांसाठी अधिकृत व्हीप (आदेश) जारी केला आहे. या आदेशानुसार,

ठाकरे गटाच्या सर्व 9 सदस्यांनी अध्यक्ष आणि उपाध्यक्षपदाच्या निवडणुकीत कोणत्याही उमेदवाराला मतदान करू नये.सर्व सदस्यांनी मतदानावेळी तटस्थ राहावे.या भूमिकेमुळे महाविकास आघाडीत फूट पडल्याचे चित्र असून, याचा थेट फटका शिवसेना (एकनाथ शिंदे) गटाला बसण्याची शक्यता आहे, तर भाजपसाठी ही जमेची बाजू ठरली आहे.

जिल्हा परिषदेचे पक्षीय बलाबल (एकूण 63 जागा)

बहुमतासाठी 32 सदस्यांच्या पाठिंब्याची गरज आहे

भारतीय जनता पक्ष (BJP), 23

शिवसेना (शिंदे गट), 21

शिवसेना (ठाकरे गट), 09

राष्ट्रवादी (अजित पवार गट),04

काँग्रेस (भाजप प्रवेश केलेले), 01

राष्ट्रवादी (शरद पवार गट), 01

अपक्ष,04

भाजपची 'मॅजिक फिगर' कशी जुळणार?

भाजपकडे स्वतःचे 23 सदस्य आहेत. त्यात अजित पवार गटाचे 4, काँग्रेसमधून आलेले 1, अपक्ष 3 आणि ठाकरे गटातून फुटलेले 2 सदस्य मिळाल्यास हे संख्याबळ 33 वर पोहोचते. अशा परिस्थितीत ठाकरे गटाचे उर्वरित 7 सदस्य तटस्थ राहिल्यास भाजपचा विजय सुकर होईल.