Mumbai News : साहिल वाकोडे आत्महत्या प्रकरणानंतर आयआयटी मुंबईचा मोठा निर्णय; अधिष्ठाता सूर्यनारायण दुल्ला निलंबित

Mumbai News : मुंबई : साहिल वाकोडे यांच्या आत्महत्या प्रकरणानंतर आयआयटी मुंबईतील विद्यार्थ्यांनी पुकारलेल्या आंदोलनाला अखेर मोठे यश मिळाले आहे. सलग तीन दिवस विद्यार्थ्यांनी आंदोलन तीव्र केल्यानंतर संस्थेने प्राध्यापक तथा अधिष्ठाता सूर्यनारायण दुल्ला यांना त्यांच्या पदावरून निलंबित करण्याचा निर्णय घेतला आहे. https://maharashtramirror.com/wp-admin/post-new.php Mumbai news

साहिल वाकोडे यांच्या आत्महत्येनंतर विद्यार्थ्यांमध्ये तीव्र संतापाची भावना निर्माण झाली होती. या पार्श्वभूमीवर विद्यार्थ्यांनी संस्थेसमोर विविध मागण्या मांडत आंदोलन सुरू केले. विद्यार्थ्यांच्या मागण्यांमध्ये दुल्ला यांच्यावर कारवाई करण्याची मागणी प्रमुख होती.https://maharashtramirror.com/ Mumbai news

आंदोलनाच्या तिसऱ्या दिवशी आयआयटी मुंबई प्रशासनाने विद्यार्थ्यांशी चर्चा करून त्यांच्या १८ मागण्या मान्य केल्याचे जाहीर केले. त्यानंतर सूर्यनारायण दुल्ला यांना अधिकृतपणे निलंबित करण्यात आले.

साहिल वाकोडे हे आयआयटी मुंबईमध्ये द्वितीय वर्षाचे विद्यार्थी होते. त्यांच्या आत्महत्येनंतर विद्यार्थ्यांनी शैक्षणिक वातावरण, विद्यार्थ्यांच्या मानसिक आरोग्याशी संबंधित व्यवस्था आणि तक्रार निवारण प्रक्रियेबाबतही प्रश्न उपस्थित केले होते.

विद्यार्थ्यांच्या आंदोलनानंतर संस्थेने घेतलेल्या या निर्णयामुळे प्रकरणाला आता नवे वळण मिळाले आहे. विद्यार्थ्यांनी केलेल्या इतर मागण्यांच्या अंमलबजावणीवरही आता लक्ष केंद्रित झाले आहे.