Pune News : अनोख्या राख्यांनी सजल्या बाजारपपेठा

Pune News : पुणे, मिरर प्रतिनिधी: श्रावण महिना सुरू होताच सर्वांनाच वेध लागतात ते विविध सणांचे. भाऊ-बहिणीच्या पवित्र नात्याचा गोडवा वाढवणारा रक्षाबंधनाचा सण आता अवघ्या काही दिवसांवर येऊन ठेपला आहे. या सणासाठी पुण्यातील बाजारपेठा विविध प्रकारच्या, अनोख्या रंगीबेरंगी आणि आकर्षक राख्यांनी पूर्णपणे सजल्या आहेतयंदा ऑनलाईन खरेदीपेक्षा प्रत्यक्ष बाजारपेठेत जाऊन स्वतःच्या पसंतीने राखी खरेदी करण्याकडे ग्राहकांचा अधिक कल दिसून येत आहे.https://maharashtramirror.com/ Pune News

बाजारात यंदा अनेक अनोख्या डिझाइन्स उपलब्ध झाल्या असून, ग्राहकांचे लक्ष वेधून घेत आहेत
• कलात्मक डिझाइन्स: कुंदन, मोती, रुद्राक्ष, मेटल, सिल्व्हर आणि नाजूक फुलांची नक्षी असलेल्या राख्यांना मोठी मागणी आहे.
• धार्मिक व विशेष डिझाइन्स: मोराची डिझाईन, गणपतीच्या प्रतिमा आणि एलईडी (LED) लाईट्स असलेल्या राख्या ट्रेन्डमध्ये आहेत.
• सोनेरी टच: चांदीच्या पारंपरिक राख्यांसोबतच यंदा बाजारात सोन्याचे पॉलिश (Gold-polished) असलेल्या राख्या विशेष आकर्षण ठरत आहेत.
बाजारात अगदी १० रुपये पासून ते १,००० रुपये पर्यंतच्या सर्वसामान्यांच्या खिशाला परवडणाऱ्या आणि प्रीमियम दर्जाच्या राख्या उपलब्ध आहेत.

लहान मुलांसाठी कार्टून आणि लाईटिंग राख्या

लहान मुलांमधील रक्षाबंधनाचा उत्साह द्विगुणित करण्यासाठी विक्रेत्यांनी खास व्हेरायटी आणली आहे.
• मुलांच्या आवडीची डोरेमॉन, छोटा भीम, स्पायडरमॅन आणि शिनचॅन या कार्टून पात्रांच्या डिझाईन्स अत्यंत लोकप्रिय ठरत आहेत.
• यासोबतच चमकणाऱ्या लाइटिंग राख्या लहान मुलांमध्ये खास आकर्षण ठरत आहेत.
भेटवस्तूंसाठी मिठाई, चॉकलेट्स आणि ड्रायफूट्सचे गिफ्ट बॉक्सेस
राखी पौर्णिमेच्या दिवशी बहिणीला देण्यासाठी किंवा भावाचे तोंड गोड करण्यासाठी बाजारात विशेष भेटवस्तू दाखल झाल्या आहेत. पारंपरिक मिठाईच्या बॉक्सेससोबतच आता आकर्षक पॅकिंगमधील चॉकलेट बॉक्सेस आणि ड्रायफ्रूट्स बॉक्सेसना ग्राहकांची मोठी पसंती मिळत आहे.