Pune Palkhi Updates : पालखीचे ‘लाइव्ह लोकेशन’ आता मोबाईलवर
Pune Palkhi Updates : पुणे, महाराष्ट्र मिरर प्रतिनिधी : Pune Palkhi Updates : संतश्रेष्ठ श्री ज्ञानेश्वर महाराज आणि जगद्गुरू श्री संत तुकाराम महाराज यांच्या पालखी सोहळ्याच्या पार्श्वभूमीवर पुणे पोलिसांनी तंत्रज्ञानाचा प्रभावी वापर करत नागरिकांसाठी ‘लाइव्ह पालखी ट्रॅकिंग’ची सुविधा उपलब्ध करून दिली आह
1 મિનિટ વાંચન
Pune Palkhi Updates : पुणेकरांच्या सेवेसाठी पोलिसांची ‘हायटेक’ सुविधा; प्रवासाचे नियोजन करणे होणार सोपे
Pune Palkhi Updates : पुणे, महाराष्ट्र मिरर प्रतिनिधी : Pune Palkhi Updates : संतश्रेष्ठ श्री ज्ञानेश्वर महाराज आणि जगद्गुरू श्री संत तुकाराम महाराज यांच्या पालखी सोहळ्याच्या पार्श्वभूमीवर पुणे पोलिसांनी तंत्रज्ञानाचा प्रभावी वापर करत नागरिकांसाठी ‘लाइव्ह पालखी ट्रॅकिंग’ची सुविधा उपलब्ध करून दिली आहे. यामुळे पालखीचे नेमके स्थान, मार्गावरील हालचाली आणि वाहतुकीशी संबंधित माहिती मोबाईलवर पाहता येणार असल्याने पुणेकरांना आपल्या प्रवासाचे नियोजन करणे अधिक सोपे होणार आहे. Pune Palkhi Updates माऊलींचे स्थान थेट ट्रॅक करण्यासाठी तुम्ही Diversion Pune Police या संकेतस्थळाचा वापर करू शकता।
Pune Palkhi Updates : पालखी सोहळ्यादरम्यान शहरातील प्रमुख रस्त्यांवर मोठ्या प्रमाणात वारकरी आणि भाविकांची गर्दी होते. पालखी मार्गावरील वाहतूक नियोजनामुळे अनेक ठिकाणी वाहतुकीत बदल करावे लागतात. अशा वेळी पालखी नेमकी कुठे आहे, ती पुढील ठिकाणी कधी पोहोचणार आणि मार्गावरील परिस्थिती काय आहे, याची माहिती नागरिकांना एकाच ठिकाणी मिळावी, यासाठी पुणे पोलिसांनी ही सुविधा उपलब्ध केली आहे. Pune News
या व्यवस्थेमुळे पालखीचे लाइव्ह लोकेशन पाहण्याबरोबरच मार्गावरील अपडेट्स, अपेक्षित आगमन वेळ आणि महत्त्वाच्या सूचना नागरिकांना पाहता येणार आहेत. त्यामुळे पालखीच्या दर्शनासाठी जाणाऱ्या भाविकांना योग्य वेळ आणि ठिकाण निवडणे शक्य होणार असून, अन्य नागरिकांनाही गर्दीचे मार्ग टाळून पर्यायी प्रवासाचे नियोजन करता येईल.
वाहतूक सूचना मिळवण्यासाठी पीटीपी ॲप महत्त्वाचे
पुणे वाहतूक पोलिसांचे PTP ॲपही नागरिक आणि वाहतूक पोलिसांमधील संवादासाठी उपयुक्त ठरत आहे. वाहतूक कोंडी, अपघात, वाहन बंद पडणे, रस्त्यावर पाणी साचणे, झाड पडणे यांसारख्या घटनांची माहिती देण्याबरोबरच वापरकर्त्याच्या परिसरातील वाहतूक सूचना मिळवण्याची सुविधाही या ॲपमध्ये आहे. पालखी सोहळ्याच्या काळात तंत्रज्ञानाधारित सुविधांचा वापर करून नागरिकांना वेळेवर माहिती देण्याचा प्रयत्न पुणे पोलिसांकडून करण्यात येत आहे.
एका क्लिकवर पालखीचा ठावठिकाणा
पालखी सोहळ्याच्या मार्गावरील गर्दी आणि वाहतूक बदल लक्षात घेता ‘लाइव्ह पालखी ट्रॅकिंग’ सुविधा नागरिकांसाठी उपयुक्त ठरणार आहे. घरातून बाहेर पडण्यापूर्वी पालखीचे स्थान आणि मार्गावरील स्थिती जाणून घेता येणार असल्याने भाविकांसह सर्वसामान्य पुणेकरांचा वेळ वाचण्यास आणि वाहतूक कोंडी टाळण्यास मदत होणार आहे. Pune Palkhi Updates
View this post on Instagram A post shared by Maharashtra Mirror (@maharashtramirrornews)
https://english.maharashtramirror.com/khadakwasla-overflows-pune-floods/