Pune News : ऑक्टोबरमध्ये पुणेकरांना जाणवणार उन्हाचा चटका

पुणे : शहर आणि परिसरात उकाडा वाढला असून, दुपारच्या वेळी उन्हाची तीव्रता अधिक जाणवत आहे. सकाळी आणि रात्री तुलनेने आल्हाददायक वातावरण असले, तरी दुपारच्या तापमानात वाढ होत असल्याने नागरिकांना उन्हाचा चटका सहन करावा लागत आहे. आता ऑक्टोबरच्या सुरुवातीलाही तापमानवाढीचा कल कायम राहण्याची शक्यता असून, पुणेकरांना महिन्याच्या पहिल्याच आठवड्यात उकाड्याचा सामना करावा लागू शकतो.https://maharashtramirror.com/ Pune News

हवामान विभागाच्या मध्यम-अवधी अंदाजानुसार, ४ ते ६ ऑक्टोबरदरम्यान पुण्यात कमाल तापमान ३४ अंश सेल्सिअसच्या आसपास राहण्याची शक्यता आहे. त्यामुळे ऑक्टोबरच्या सुरुवातीला तापमानात पुन्हा वाढ होऊन दुपारच्या वेळी उन्हाची तीव्रता जाणवण्याची शक्यता आहे.https://maharashtramirror.com/ Pune News

गेल्या काही दिवसांत पुण्यातील कमाल तापमानात वाढ झाल्याने सप्टेंबरअखेरीस वातावरणात उन्हाचा प्रभाव वाढला आहे. विशेषतः दुपारच्या वेळी उन्हाची तीव्रता अधिक जाणवत असून, त्याचा परिणाम रस्त्यांवरील वर्दळीवरही होत आहे. सकाळच्या तुलनेत दुपारचे वातावरण अधिक उष्ण जाणवत आहे.

दुपारच्या वेळी काळजी घेण्याचे आवाहन
ऑक्टोबरच्या सुरुवातीला तापमानवाढीचा कल कायम राहण्याची शक्यता असल्याने नागरिकांनी दुपारच्या वेळी अनावश्यक उन्हात जाणे टाळावे, असे आवाहन करण्यात येत आहे. बाहेर पडताना पुरेसे पाणी प्यावे आणि उन्हापासून बचावासाठी आवश्यक काळजी घ्यावी, असेही सांगण्यात येत आहे.

पुढील काही दिवसांत कमाल तापमानात चढ-उतार होण्याची शक्यता असून, ऑक्टोबरमध्ये पुण्यात उकाडा किती वाढतो, याकडे नागरिकांचे लक्ष लागले आहे.

पहिल्या आठवड्यात कमाल तापमान ३४ अंशांपर्यंत जाण्याची शक्यता; या पेक्षा ८ ते ९ ऑक्टोबर ठीक राहील .
सामान्यतः ऑक्टोबर मध्ये पुणे परिसरात तापमान हे २० ते ३२ अंश असते. या वेळेस एल निनो सक्रिय असल्यामुळे पावसाचे प्रमाण कमी होऊन शेतीतील पिके करपली आहेत . परिस्थिती तापमान वाढीस अनुकूल ठरत आहे . ऑक्टोबर मध्ये पूर्वेकडून जमिनीवरील वाहणारे वारे व बदलत जाणारी दिशा , वाऱ्याची संथ गती त्यामुळे लवकर न पसरणारी उष्णता ,जमिनीतील कमी झालेला ओलावा त्यामुळे लवकर जमिनीचे वाढणारे तापमान , पीक कापणी मुळे उघड्या शेत जमिनी , पिकाचे अनावश्यक कचरा कस्पट जाळणे या सर्व पोषक बाबींमुळे ऑक्टोबर हीट हि जाणवत असते. आज अरबी समुद्र मध्ये अस्थिर वातावरण आहे ज्या मुळे पाऊस पडत आहे . तरी ८ ते ९ ऑक्टोबर नंतर तापमान वेगाने वाढून उकाडा जाणवू शकतो .