pune crime : पुणे पोलिसांत मोठे फेरबदल; गोळीबारानंतर खडक पोलीस ठाण्याच्या वरिष्ठ निरीक्षकांची बदली.

pune crime : शहरातील एकाच परिसरात एका दिवशी घडलेल्या दोन गोळीबाराच्या घटनांनंतर पुणे पोलीस दलात मोठे प्रशासकीय फेरबदल करण्यात आले आहेत. कायदा व सुव्यवस्था अधिक प्रभावी करण्याच्या उद्देशाने पोलीस आयुक्त अमितेश कुमार यांनी खडक पोलीस ठाणे, गुन्हे शाखा तसेच येरवडा आणि लक्ष्मीनगर पोलीस ठाण्यांतील वरिष्ठ अधिकाऱ्यांच्या बदल्यांचे आदेश जारी केले आहेत.pune crime

PMC : पुणेकरांचा पाणीपुरवठा गुरुवारी बंद; जाणून घ्या कोणत्या भागात येणार नाही पाणी

आदेशानुसार, खडक पोलीस ठाण्याचे वरिष्ठ पोलीस निरीक्षक शशिकांत भरत चव्हाण यांची पोलीस नियंत्रण कक्षात (कंट्रोल रूम) बदली करण्यात आली आहे. तसेच, गुन्हे शाखा युनिट-१ चे पोलीस निरीक्षक अजित महादेव जाधव यांनाही नियंत्रण कक्षात नियुक्त करण्यात आले आहे. सलग घडलेल्या गोळीबाराच्या घटनांच्या पार्श्वभूमीवर ही कारवाई करण्यात आल्याचे मानले जात आहे.

Pune : शहरात डेंग्यूचा वेगाने प्रादुर्भाव; दीड महिन्यात ३०० संशयित रुग्ण आढळले

खडक पोलीस ठाण्याच्या वरिष्ठ पोलीस निरीक्षकपदी वाहतूक शाखेचे पोलीस निरीक्षक धनंजय विठ्ठल पिंगळे यांची नियुक्ती करण्यात आली आहे. संवेदनशील समजल्या जाणाऱ्या या पोलीस ठाण्याची जबाबदारी आता त्यांच्या खांद्यावर सोपविण्यात आली आहे.pune crime

या फेरबदलांत येरवडा आणि लक्ष्मीनगर पोलीस ठाण्यांमध्येही महत्त्वाचे बदल करण्यात आले आहेत. येरवडा पोलीस ठाण्याचे वरिष्ठ पोलीस निरीक्षक अंजुम कासिम बागवान यांची गुन्हे शाखेत बदली करण्यात आली आहे. येरवडा पोलीस ठाण्यातील गुन्हे निरीक्षक निळकंठ राजाराम जगताप यांची लक्ष्मीनगर पोलीस ठाण्याच्या गुन्हे निरीक्षकपदी नियुक्ती करण्यात आली असून, लक्ष्मीनगरचे गुन्हे निरीक्षक उमेश अंबादास गित्ते यांची येरवडा पोलीस ठाण्याच्या वरिष्ठ पोलीस निरीक्षकपदी नियुक्ती करण्यात आली आहे.

PMC: मंजूर १३ पैकी ८ पदे रिक्त; पुण्याच्या शासकीय बालरुग्णालयांची अवस्था रामभरोसे

शहरात अल्पावधीत घडलेल्या दोन गोळीबाराच्या घटनांमुळे नागरिकांमध्ये भीतीचे वातावरण निर्माण झाले होते. या घटनांनंतर पोलिसांच्या कार्यक्षमतेवर प्रश्न उपस्थित होत असतानाच पोलीस आयुक्तांनी तातडीने वरिष्ठ अधिकाऱ्यांच्या बदल्यांचे आदेश दिले.pune crime

या प्रशासकीय बदलांमुळे संवेदनशील पोलीस ठाण्यांमध्ये नव्या नेतृत्वाखाली कामकाज सुरू होणार आहे. गुन्हे प्रतिबंध, जलद तपास, नागरिकांच्या तक्रारींवर तत्काळ प्रतिसाद आणि कायदा-सुव्यवस्था अधिक प्रभावीपणे राखण्यासाठी या अधिकाऱ्यांकडून विशेष उपाययोजना राबवल्या जाण्याची अपेक्षा व्यक्त केली जात आहे.

Pune Police: जखमी तक्रारदारांना आता स्वतः रुग्णालयात नेणार पोलीस

गोळीबाराच्या घटनांनंतर करण्यात आलेले हे फेरबदल केवळ नियमित बदली नसून उत्तरदायित्व आणि शिस्तीला प्राधान्य देणारा महत्त्वाचा प्रशासकीय निर्णय मानला जात आहे. आता नव्या अधिकाऱ्यांच्या नेतृत्वाखाली गुन्हेगारीवर कितपत प्रभावी नियंत्रण मिळते आणि नागरिकांचा पोलिसांवरील विश्वास अधिक दृढ होतो का, याकडे संपूर्ण शहराचे लक्ष लागले आहे.pune crime

Rain Update: खडकवासला धरणसाखळीत ८७ टक्क्यांहून अधिक पाणीसाठा; मुठा नदीतील विसर्ग बंद