Pune News : महारेरा आदेशानंतरही फ्लॅटचा करार रखडला; ‘फिट अँड प्रॉपर पर्सन’ नेमण्याची मागणी

Pune News : पुणे, महाराष्ट्र मिरर : पुण्यातील ‘मार्व्हल एक्वानास’ प्रकल्पातील फ्लॅटच्या विक्री कराराची नोंदणी करण्याचे आदेश महारेराने दिल्यानंतरही संबंधित विकासकांकडून कार्यवाही न झाल्याचा आरोप करत खरेदीदारांनी गैरपालन अर्ज दाखल केला आहे. आदेशाची अंमलबजावणी करण्यासाठी विक्री करारनामा तयार करून त्याची नोंदणी करण्यासाठी ‘फिट अँड प्रॉपर पर्सन’ची नियुक्ती करावी, अशी मागणी अर्जदारांनी केली आहे.https://maharashtramirror.com/ Pune News

संतोष सेतुरामन आणि लक्ष्मी संतोष यांनी महाराष्ट्र रिअल इस्टेट नियामक प्राधिकरणाच्या (MahaRERA) पुणे कार्यालयात हा गैरपालन अर्ज दाखल केला आहे. या प्रकरणात मार्व्हल रिअल्टर्स अँड डेव्हलपर्स लिमिटेड, चैतन्य कमल इन्फ्राकॉन एलएलपी, सी. एन. संघवी अँड कंपनी (फॉरवर्ड्स) प्रायव्हेट लिमिटेड आणि आयडियल प्राइम रिअल्टर्स एलएलपी यांना प्रतिवादी करण्यात आले आहे. संबंधित प्रकल्पाची MahaRERA नोंदणी क्रमांक P52100001521 आहे.https://maharashtramirror.com/ Pune News

अर्जदारांनी ‘मार्व्हल एक्वानास’ प्रकल्पातील बी-1901 सदनिकेसाठी २ कोटी ७० लाख ७२ हजार ४४७ रुपये इतकी किंमत ठरल्याचे म्हटले आहे. यापूर्वी फ्लॅट क्रमांक 8-1302 साठी भरलेली १ कोटी ५९ लाख ८९ हजार ७१ रुपये रक्कम समायोजित करण्यात आली असून, बी-1901 सदनिकेसाठी पुढील रक्कमही भरण्यात आल्याचा दावा करण्यात आला आहे. सदनिकेच्या एकूण किमतीच्या दहा टक्क्यांपेक्षा अधिक रक्कम भरल्यानंतरही विक्री करारनामा करण्यात आला नाही तसेच सदनिकेचा ताबाही देण्यात आला नसल्याचे अर्जदारांचे म्हणणे आहे.

दरम्यान, ६ फेब्रुवारी २०२४ रोजीच्या अंतिम आदेशात प्रतिवादींना एमओयू, पावत्या, बुकिंग फॉर्म आदी कागदपत्रांतील अटी व शर्तींनुसार अर्जदारांच्या नावाने विक्री करारनामा तयार करून त्याची नोंदणी करण्याचे निर्देश देण्यात आले होते. ही कार्यवाही आदेशाच्या तारखेपासून ३० दिवसांच्या आत करण्याचे निर्देश होते.

मात्र, या आदेशाची मुदत उलटूनही बी-1901 सदनिकेबाबत विक्री करारनामा तयार करून नोंदणी करण्यात आली नसल्याचा दावा अर्जदारांनी केला आहे. त्यामुळे MahaRERA च्या परिपत्रक क्रमांक 50 नुसार योग्य व्यक्तीची नियुक्ती करून करारनामा पूर्ण करण्याची मागणी करण्यात आली आहे.

यावर प्रतिवादी क्रमांक एकच्या वकिलांनी या मागणीला विरोध केला. या प्रकल्पाचे चारही प्रतिवादी प्रवर्तक असल्याने प्रतिवादी क्रमांक 2 ते 4 यांच्या सहभागाशिवाय प्रभावी आदेशाची अंमलबजावणी करता येणार नाही, असा युक्तिवाद करण्यात आला. तसेच मूळ तक्रारीत करारनामा करून देण्यासाठी ‘फिट अँड प्रॉपर पर्सन’ नियुक्त करण्याची पर्यायी मागणी करण्यात आलेली नव्हती. त्यामुळे गैरपालनाच्या टप्प्यावर अशी नवीन मागणी करता येणार नाही, असा दावा प्रतिवादींकडून करण्यात आला.

यासाठी ‘मॅक्रोटेक डेव्हलपर्स लिमिटेड विरुद्ध जॉइंट सब-रजिस्ट्रार आणि इतर’ या प्रकरणातील मुंबई उच्च न्यायालयाच्या भूमिकेचाही दाखला देण्यात आला. मात्र, प्रतिवादी क्रमांक 2 ते 4 सुनावणीस अनुपस्थित राहिल्याने त्यांच्याकडून कोणताही युक्तिवाद किंवा उत्तर सादर करण्यात आले नाही.

या प्रकरणात MahaRERA चे अध्यक्षस्थानी असलेल्या प्राधिकरणासमोर सुनावणी झाली असून, फ्लॅटचा विक्री करार आणि त्याची नोंदणी करण्याच्या मागणीवर गैरपालन अर्जाच्या माध्यमातून कार्यवाही करण्यात आली आहे.