Pune News : विधानपरिषद निवडणूक निकाल

Pune News : पुण्यात शिक्षक मतदारसंघात भाजापची सरशी तर पदवीधर मध्ये राष्ट्रवादी काँग्रेस (शप)च्या उमेदवार आघाडीवर; मराठवाड्यात दोन्ही राष्ट्रवादी काँग्रेसमध्ये जोरदार लढत; नागपूर पदवीधर मतदारसंघात भाजप आणि काँग्रेसमध्ये अत्यंत अटीतटीचा सामनाhttps://maharashtramirror.com/ Pune News

महत्वाचे मुद्दे
*पुणे शिक्षक मतदारसंघात भाजपचे उमेदवार कौस्तुभ गावडे विजयीhttps://maharashtramirror.com/ Pune News
*पुणे पदवीधर मतदारसंघात महाविकास आघाडीच्या उमेदवार हर्षदा देशमुख-जाधव (राष्ट्रवादी काँग्रेस - शरदचंद्र पवार) यांची सुरुवातीपासूनच मोठी आघाडी
*मराठवाड्यात दोन्ही राष्ट्रवादी काँग्रेसमधील जोरदार लढतीत शरद पवार गटाचे डॉ. प्रतापसिंह पाटील यांनी मारली बाजी
*नागपूर पदवीधर मतदारसंघात भाजप आणि काँग्रेसमधील अत्यंत चुरशीच्या सामन्यात अपक्ष उमेदवार नितेश कराळे यांची दुसऱ्या पसंतीक्रमाची मते ठरणार निर्णायक
*अमरावती शिक्षक मतदारसंघात शिवसेनेचे (शिंदे गट) उमेदवार किरण सरनाईक यांनी घेतली मोठी आघाडी
*अवैध मतांची छाटणी आणि पसंतीक्रमाच्या गुंतागुंतीच्या प्रक्रियेमुळे सलग २४ तासांहून अधिक काळ मतमोजणी

Pune News :पुणे: महाराष्ट्रातील पदवीधर आणि शिक्षक मतदारसंघांच्या ५ विधानपरिषद जागांच्या निवडणुकीचे कल स्पष्ट झाले असून, महायुतीने ३ तर महाविकास आघाडीने २ जागांवर भक्कम पकड मिळवली आहे. मतपत्रिकांची छाननी, अवैध मतांची छाटणी आणि पसंतीक्रमाच्या गुंतागुंतीच्या प्रक्रियेमुळे सलग २४ तासांहून अधिक काळ चाललेल्या मतमोजणीनंतर निकालाचे चित्र आता स्पष्ट होत आहे. शिक्षक मतदारसंघात महायुतीने विजय मिळवला असून, पदवीधर मतदारसंघांत राष्ट्रवादी काँग्रेस (शरदचंद्र पवार) पक्षाने मुसंडी मारली आहे.

पुणे पदवीधर मतदारसंघ (महाविकास आघाडीची आघाडी)
महाविकास आघाडीच्या उमेदवार हर्षदा देशमुख-जाधव (राष्ट्रवादी काँग्रेस - शरदचंद्र पवार) यांनी सुरुवातीपासूनच मोठी आघाडी घेतली. देशमुख यांना १,१२,००० हून अधिक मते मिळाली आहेत. विजयासाठी आवश्यक असलेला कोटा पूर्ण करण्याच्या त्या जवळ आहेत. भाजपच्या डॉ. स्मिता जाधव (१,०२,००० मते) पिछाडीवर पडल्या आहेत.

येथे दोन्ही राष्ट्रवादी काँग्रेसमध्ये जोरदार लढत पाहायला मिळाली, ज्यामध्ये शरद पवार गटाचे डॉ. प्रतापसिंह पाटील यांनी बाजी मारली आहे. पाटील यांना ७३,९३१ प्रथम पसंतीची मते मिळाली असून ते १३,००० हून अधिक मतांनी आघाडीवर आहेत.

अजित पवार गटाचे विद्यमान आमदार सतीश चव्हाण (६०,७६८ मते) हे दुसऱ्या स्थानावर पिछाडीवर आहेत. येथे अपक्ष इन्फ्लुएन्सर रविराज साबळे यांनी सुमारे २०,००० हून अधिक मते घेऊन प्रस्थापितांना तगडे आव्हान दिले.

भाजप आणि काँग्रेसमध्ये अत्यंत चुरशीचा सामना रंगला आहे. भाजपचे सुधाकर कोहळे यांनी ६०,९२४ मतांसह ४,००० पेक्षा जास्त मतांची आघाडी घेतली आहे. काँग्रेसचे विद्यमान आमदार ॲड. अभिजीत वंजारी (५६,६३० मते) दुसऱ्या स्थानावर आहेत. अपक्ष उमेदवार नितेश कराळे यांनी मिळवलेली २४,००० हून अधिक मते या मतदारसंघातील बाद फेरीत दुसऱ्या पसंतीक्रमासाठी अत्यंत निर्णायक ठरत आहेत.

भाजपचे उमेदवार कौस्तुभ गावडे यांनी विजय मिळवत ही जागा महायुतीच्या पदरात पाडली आहे. कौस्तुभ गावडे यांना १७,६०० मते मिळाली. त्यांनी अपक्ष (शिवसेना शिंदे गट पुरस्कृत) उमेदवार सचिन सानप (११,३२८ मते) यांचा पराभव केला. मविआचे जयंत आसगावकर तिसऱ्या स्थानावर फेकले गेले.

शिवसेनेचे (शिंदे गट) उमेदवार किरण सरनाईक यांनी मोठी आघाडी घेतली आहे. सरनाईक यांना ८,५७५ मते मिळाली आहेत. काँग्रेसच्या प्रा. अदिती पोहरे (४,९२५ मते) दुसऱ्या स्थानावर तर बंडखोर श्रीकांत देशपांडे तिसऱ्या स्थानी आहेत.

चार राज्यांतील २८ विधान परिषद जागांच्या मालिकेत काँग्रेसला मोठा फटका बसला आहे. महाराष्ट्रातही काँग्रेस एकाही जागेवर आघाडी घेऊ शकलेली नाही. निकालाच्या कलानंतर राष्ट्रवादीचे (अजित पवार गट) नेते प्रफुल पटेल यांनी महायुतीतील घटक पक्षांना तातडीने आत्मपरीक्षण करण्याचा इशारा दिला आहे.

नागपूर पदवीधर मतदारसंघात १५ हजारांहून अधिक तर संभाजीनगरमध्ये १६ हजारांपेक्षा जास्त मते अवैध ठरल्यामुळे सुशिक्षित मतदारांच्या जागरूकतेवर प्रश्नचिन्ह उपस्थित केले जात आहे. नितेश कराळे आणि रविराज साबळे यांसारख्या अपक्ष व सोशल मीडिया इन्फ्लुएन्सर्सनी घेतलेली हजारो मते या निवडणुकीत उमेदवारांचे गणित बिघडवणारी ठरली.

या निवडणुकीत महायुतीने शिक्षक मतदारसंघांवर आपले वर्चस्व सिद्ध केले असले, तरी पदवीधर मतदारसंघांमध्ये शरद पवारांच्या राष्ट्रवादीने जोरदार मुसंडी मारत महायुतीच्या ५-० च्या दाव्याला सुरुंग लावला आहे.