CRIME NEWS : भोर तालुक्यात शेतकऱ्याची १.८० लाखांची रोकड व सोनसाखळी चोरीला

शर्टाच्या खिशातून मुद्देमाल लंपास; राजगड पोलिसांत अज्ञात चोरट्याविरुद्ध गुन्हा दाखल

भोर CRIME NEWS: पुणे जिल्ह्यातील भोर तालुक्यातील कांबरे खेबा गावच्या हद्दीत एका घरासमोरील उघड्या गोठ्यात झोपलेल्या शेतकऱ्याच्या शर्टाच्या खिशातून तब्बल १ लाख २० हजार रुपयांची रोख रक्कम आणि ६० हजार रुपये किमतीची सोन्याची साखळी असा एकूण १ लाख ८० हजार रुपयांचा मुद्देमाल अज्ञात चोरट्याने अत्यंत शिताफीने चोरून नेल्याची धक्कादायक घटना समोर आली आहे.CRIME NEWS

चोरट्याने रात्रीच्या अंधाराचा आणि शेतकऱ्याच्या गाढ झोपेचा गैरफायदा घेत ही धाडसी चोरी केली. या घटनेमुळे कांबरे खेबा आणि भोर परिसरातील ग्रामीण भागात शेतकऱ्यांमध्ये घबराट आणि चिंतेचे वातावरण पसरले आहे. याप्रकरणी राजगड पोलीस ठाण्यात अज्ञात चोरट्याविरुद्ध घरफोडी व चोरीचा गुन्हा दाखल करण्यात आला असून पोलीस त्याचा कसून शोध घेत आहेत.

१ लाख ८० हजार रुपयांचा ऐवज गेला चोरीला
या संदर्भातील चोरीच्या गंभीर घटनेबाबत कांबरे खेबा (ता. भोर) येथे राहणारे संजय आप्पाजी यादव (वय ५५ वर्षे, व्यवसाय: वाहनचालक व शेती) यांनी राजगड पोलीस ठाण्यात रीतसर फिर्याद दिली आहे. त्यांच्या तक्रारीवरून पोलिसांनी एका अज्ञात संशयित चोरट्याविरुद्ध भारतीय न्याय संहिता (बीएनएस) कलम ३०३(२) अन्वये चोरीचा गुन्हा नोंदवला आहे.CRIME NEWS

या चोरीच्या घटनेमध्ये १ लाख २० हजार रुपयांची रोख रक्कम आणि ६० हजार रुपये किमतीची १० वर्षांपूर्वी केलेली सोन्याची साखळी चैन असा एकूण १ लाख ८० हजार रुपयांचा ऐवजी चोरीला गेला आहे. हा प्रकार गुरुवार (ता. २१) मे २०२६ रोजी रात्री अकरा वाजल्यापासून ते शुक्रवार (ता. २२) मे २०२६ रोजी सकाळी अकरा वाजण्याच्या सुमारास फिर्यादीच्या उघड्या गोठ्यात घडला असून, याप्रकरणी मंगळवार (ता. १६) जून २०२६ रोजी मध्यरात्री साडेबारा वाजण्याच्या सुमारास राजगड पोलिसांत अधिकृत गुन्हा दाखल करण्यात आला आहे.CRIME NEWS

पोलिसांनी दिलेल्या सविस्तर माहितीनुसार, फिर्यादी संजय यादव हे वाहनचालक असून ते शेतीचे काम देखील करतात. त्यांच्या घरी जनावरे असल्याने घराशेजारीच त्यांचा उघडा गोठा आहे. गुरुवार रात्री अकरा वाजण्याच्या सुमारास संजय हे नेहमीप्रमाणे आपल्या गोठ्यात झोपण्यासाठी गेले होते. झोपण्यापूर्वी त्यांनी आपल्या शर्टाच्या खिशात १ लाख २० हजार रुपयांची रोकड आणि ६० हजार रुपये किमतीची सोन्याची साखळी सुरक्षित ठेवली होती. रात्रभर ते गोठ्यात गाढ झोपेत असताना, दबा धरून बसलेल्या अज्ञात चोरट्याने गोठ्यात अत्यंत शिताफीने प्रवेश केला.CRIME NEWS

चोरट्याने संजय यांच्या खिशाला हात लावून त्यातील १ लाख २० हजार रुपयांची रोख रक्कम आणि सोन्याची साखळी त्यांची कोणतीही संमती नसताना लबाडीच्या इराद्याने अलगद काढून घेतली व पोबारा केला.

शुक्रवारी सकाळी अकरा वाजण्याच्या सुमारास संजय यादव यांना जाग आली असता, त्यांना शर्टाच्या खिशातील सोन्याची साखळी आणि रोकड गायब असल्याचे निदर्शनास आले. त्यांनी तात्काळ गोठ्यात आणि घराच्या आजूबाजूला शोध घेतला, तसेच घरच्यांना व स्थानिक नागरिकांना या घटनेची माहिती दिली. मात्र, परिसरात शोध घेऊनही चोरट्याचा आणि चोरीला गेलेल्या मालाचा कोणताही पत्ता लागला नाही.CRIME NEWS

संमतीशिवाय आणि मुद्दाम लबाडीच्या इराद्याने ही चोरी करण्यात आल्याचे स्पष्ट झाल्यानंतर त्यांनी पोलिसांत धाव घेतली. या गुन्ह्याची प्राथमिक चौकशी करून पोलिसांनी गुन्हा दाखल केला असून, राजगड पोलीस ठाण्याचे पोलीस हवालदार तळपे या चोरीच्या गुन्ह्याचा पुढील सखोल तपास करत आहेत.

CRIME NEWS