CRIME NEWS : दौंडमध्ये वीज ग्राहकाविरुद्ध ४.३६ लाखांच्या वीज चोरीचा गुन्हा दाखल

महावितरणने दंडात्मक तडजोड म्हणून ७५ हजार रुपयांचे देयक भरण्याची नोटीस बजावूनही ग्राहकाने ती रक्कम भरली नाही

दौंड CRIME NEWS: पुणे जिल्ह्यातील दौंड तालुक्यातील गिरिम परिसरात असणाऱ्या वायरलेस फाटा येथे महावितरणच्या भरारी पथकाने वीज चोरीविरुद्ध एक मोठी आणि धडक कारवाई केली आहे. एका स्थानिक वीज ग्राहकाने महावितरणच्या नियमांचे उल्लंघन करून तब्बल १८ हजार ८७२ युनिट्सची वीज चोरी केल्याचे तपासात निष्पन्न झाले आहे.CRIME NEWS

या चोरी गेलेल्या विजेची एकूण किंमत ४ लाख ३६ हजार ३०० रुपये असून, महावितरणने दंडात्मक तडजोड म्हणून ७५ हजार रुपयांचे देयक भरण्याची नोटीस बजावूनही ग्राहकाने ती रक्कम न भरल्यामुळे अखेर गुन्हा दाखल करण्यात आला आहे. याप्रकरणी दौंड पोलीस ठाण्यात भारतीय विद्युत अधिनियम कायद्यान्वये अधिकृत गुन्हा नोंदवण्यात आला असून पोलीस या प्रकरणी पुढील कायदेशीर कारवाई करत आहेत.

२१ डिसेंबर २०२४ पासून २१ जानेवारी २०२६ पर्यंत घडला चोरीचा प्रकार
या संदर्भातील गंभीर वीज चोरीच्या कारवाईप्रकरणी महाराष्ट्र राज्य विद्युत वितरण कंपनी मर्यादित (महावितरण) भरारी पथक, बारामती येथील अतिरिक्त कार्यकारी अभियंता नाथाबा रघुनाथ गोफणे (वय ५४ वर्षे, रा. इंदापूर) यांनी दौंड पोलीस ठाण्यात अधिकृत फिर्याद दिली आहे. त्यांच्या तक्रारीवरून पोलिसांनी संशयित वीज ग्राहक आरोपी संतोष सुरेश खताळ (वय ४५ वर्षे अंदाजे, रा. ता. दौंड) याच्याविरुद्ध भारतीय विद्युत अधिनियम सुधारणा कायदा २००३ चे कलम १५१ व १३५ अन्वये गुन्हा नोंदवला आहे. हा वीज चोरीचा प्रकार २१ डिसेंबर २०२४ रोजी दुपारी पावणेतीन वाजल्यापासून ते २१ जानेवारी २०२६ रोजी दुपारी पावणेतीन वाजण्याच्या सुमारास घडला असून, शुक्रवार (ता. १२) जून २०२६ रोजी संध्याकाळी सव्वापाच वाजता पोलिसांत या गुन्ह्याची अधिकृत नोंद करण्यात आली.CRIME NEWS

ग्राहक संतोष खताळ यांच्या वीज वापराबद्दल संशय
पोलिसांनी दिलेल्या सविस्तर माहितीनुसार, फिर्यादी नाथाबा गोफणे हे महावितरणच्या बारामती येथील विशेष भरारी पथकात अतिरिक्त कार्यकारी अभियंता म्हणून कार्यरत आहेत. त्यांच्या पथकाला गिरिम गावातील वायरलेस फाटा येथील ग्राहक संतोष खताळ यांच्या वीज वापराबद्दल संशय आला होता. त्यानुसार पथकाने संशयित ठिकाणी जाऊन वीज मीटर आणि मागील १३ महिन्यांच्या वापराची सखोल तांत्रिक तपासणी केली. या पडताळणीमध्ये ग्राहकाचे एकूण असेसमेंट युनिट २६ हजार ७७० एवढे होत असल्याचे समोर आले, तर प्रत्यक्षात त्यांना केवळ ७ हजार ८९८ युनिट्सचेच वीज बिल आकारले गेले होते. ग्राहकाने महावितरणच्या यंत्रणेत फेरफार करून किंवा छुप्या पद्धतीने उर्वरित १८ हजार ८७२ युनिट्सची थेट वीज चोरी केल्याचे पथकाच्या निदर्शनास आले.

सरकारी महसुलाचे मोठे नुकसान
या चोरी केलेल्या विजेची शासकीय मूल्यांकन दरानुसार एकूण किंमत ४ लाख ३६ हजार ३०० रुपये इतकी होते. महावितरणच्या नियमानुसार आरोपी ग्राहक संतोष खताळ याला चोरीची एकूण रक्कम आणि तडजोडीची रक्कम म्हणून ७५ हजार रुपये असे देयक तात्काळ भरण्याबाबत अधिकृत नोटीस देऊन कळविण्यात आले होते. मात्र, दीर्घ कालावधी उलटूनही ग्राहकाने सदर थकबाकी आणि दंडाची रक्कम महावितरणकडे जमा केली नाही. सरकारी महसुलाचे मोठे नुकसान केल्याप्रकरणी अखेर अतिरिक्त कार्यकारी अभियंत्यांनी दौंड पोलीस ठाण्यात कायदेशीर फिर्याद दिली.CRIME NEWS

या गुन्ह्याचा पुढील तपास दौंड पोलीस ठाण्याचे पोलीस शिपाई चव्हाण करत आहेत.

CRIME NEWS