Pune News : अंधांच्या बुद्धिबळ स्पर्धेत गौरव फुलसुंदर आघाडीवर

Pune News :आळंदी : अंधांसाठी आयोजित महाराष्ट्र राज्य आंतरशालेय खुल्या बुद्धिबळ स्पर्धेत सहाव्या फेरीअखेर तारामती बाफना विद्यालय, संभाजीनगरचा गौरव फुलसुंदर याने ६ गुणांसह आघाडी घेतली आहे. आळंदी देवाची येथील राधाकृष्ण मंगल कार्यालयात सुरू असलेल्या या स्पर्धेत राज्यातील विविध जिल्ह्यांतील अंधशाळांमधून १०६ स्पर्धक सहभागी झाले आहेत.https://maharashtramirror.com/ Pune News

स्वामी विवेकानंद जीवन ज्योत संस्था, पुणे आणि ऑल मराठी चेस असोसिएशन फॉर द व्हिज्युअली चॅलेंज्ड यांच्या संयुक्त विद्यमाने तसेच ऑल इंडिया चेस फेडरेशन फॉर द ब्लाइंड यांच्या मान्यतेने ही स्पर्धा आयोजित करण्यात आली आहे. स्पर्धेच्या दुसऱ्या दिवशी चौथी, पाचवी आणि सहावी फेरी खेळविण्यात आली. स्पर्धकांसाठी आयोजकांनी निवास आणि भोजनाची व्यवस्था विनामूल्य केली आहे.https://maharashtramirror.com/ Pune News

सहाव्या फेरीत पहिल्या पटावर गौरव फुलसुंदरने ज्ञानज्योती विद्यालय, नागपूरच्या ज्ञानेश्वर भोंग याला पराभूत करून ६ गुणांसह अव्वल स्थान पटकावले. भोसरीच्या बर्वेश लुटेने बाबासाहेब वागमारे याच्यावर विजय मिळवत ५.५ गुणांची कमाई केली. भोसरीच्या प्रणव जयभायने चिखलदरा, अमरावतीच्या आकाश वाघमारेवर मात करून ५ गुण मिळवले.

गुरु गोबिंद, नांदेडच्या अर्चना तामवाडने कृष्णा शिंदेवर विजय मिळवत ५ गुण नोंदवले. पीएसएचबी, पुणेच्या साईनाथ काकडेने तारामती बाफना विद्यालयाच्या बद्री दौंडला पराभूत केले. तारामती बाफना विद्यालयाच्या चैतन्य वाघने साई नेमाणेवर मात करत ५ गुण मिळवले.

हेलन केलर, नांदेडच्या शिवानी कापतेने पीएसएचबी पुणेच्या ईश्वर कालगुडेवर, तर विशाल चव्हाणने जयेश मोरेवर विजय मिळवला. वैभव कांबळेने चाळीसगावच्या अक्षय जाधवला पराभूत करत ५ गुण मिळवले. अस्मिता जाधवने जागृती, आळंदीच्या नम्रता भारसाकलेवर विजय मिळवत आपली गुणसंख्या ४.५ वर नेली. स्पर्धेचा आणखी एक दिवस बाकी असून पुढील फेऱ्यांतील निकालानंतर अंतिम विजेत्याचे चित्र स्पष्ट होणार आहे.