Mohammed Shami Death Threats : मोहम्मद शमीला जीवे मारण्याची धमकी देणाऱ्या व्यक्तीने मेलमध्ये काय लिहिले?

•4 मे रोजी दुपारी 2 ते 3 च्या दरम्यान शमीला धमकीचा मेल आला. त्यानंतर एफआयआर दाखल करण्यात आला.

ANI :- काही दिवसांपूर्वीच टीम इंडियाचे मुख्य प्रशिक्षक गौतम गंभीर यांना जीवे मारण्याची धमकी मिळाली होती आणि आता टीम इंडियाचा वेगवान गोलंदाज मोहम्मद शमीलाही अशीच धमकी मिळाली आहे. त्याला एक मेल आला आहे ज्यामध्ये त्याच्याकडून 1 कोटी रुपयांची खंडणी मागितली गेली आहे.अशा परिस्थितीत, शमीला धमकी देणाऱ्या व्यक्तीने काय म्हटले ते जाणून घेऊया.

मोहम्मद शमीचा भाऊ हसीबने या धमकीच्या मेलचा खुलासा केला. त्याने सांगितले की, 4 मे रोजी दुपारी 2 ते 3 च्या दरम्यान शमीला धमकीचा मेल आला. त्यानंतर एफआयआर दाखल करण्यात आला. शमीला मेल पाठवणाऱ्या व्यक्तीने 1 कोटी रुपयांची खंडणी मागितली होती.

मोहम्मद शमीने अमरोहा पोलिसांकडे तक्रार दाखल करताच, अमरोहा गुन्हे शाखेच्या पथकाने तपास सुरू केला आहे. पोलिसांना मिळालेल्या तक्रारीनुसार, कर्नाटकातील प्रभाकर नावाच्या व्यक्तीने मोहम्मद शमीला एक मेल पाठवला आहे, ज्यामध्ये त्याने 1 कोटी रुपये न दिल्यास त्याला जीवे मारण्याची धमकी देण्यात आली आहे.पोलिसांनी या प्रकरणाचा तपास सुरू केला आहे.

भाजपचे माजी खासदार आणि भारतीय क्रिकेट संघाचे सध्याचे मुख्य प्रशिक्षक गौतम गंभीर यांनाही काही दिवसांपूर्वी 'आयसिस काश्मीर'कडून जीवे मारण्याची धमकी मिळाली होती.

हेही वाचा: Panvel News : मुहूर्त ठरलाजे.एम.म्हात्रे यांचा 7 मे रोजी होणार भाजप प्रवेश