Washim Bird Flu : बर्ड फ्लूमुळे हाहाकार, वाशिमच्या खेर्डा गावात हजारो कोंबड्यांचा मृत्यू! अलर्ट जारी केला

Washim Bird Flue Latest News : पुन्हा एकदा बर्ड फ्लूचा धोका वाढला आहे. येथील पोल्ट्री फार्ममधील सहा हजारांहून अधिक कोंबड्यांचा मृत्यू झाला. तपासणी अहवालात बर्ड फ्लूचीही पुष्टी झाली आहे. प्रशासनाने तातडीने हाय अलर्ट जारी केला आहे.

वाशिम :- पुन्हा एकदा बर्ड फ्लूचा धोका वाढला आहे. कारंजा तालुक्यातील खेर्डा (जिरापुरे) गावातील पोल्ट्री फार्ममधील 8 हजार पैकी 6 हजार 831 कोंबड्यांचा मृत्यू झाल्याने प्रशासन सतर्क झाले आहे. 27 फेब्रुवारीच्या अहवालात हे मृत्यू बर्ड फ्लूच्या संसर्गामुळे झाल्याची पुष्टी झाली.

20 ते 25 फेब्रुवारी दरम्यान पोल्ट्री फार्ममध्ये सतत कोंबड्या मरत होत्या. मृत कोंबडीचे नमुने तपासणीसाठी अकोला येथील प्रयोगशाळेत पाठविण्यात आले. यानंतर पुण्यातील नॅशनल इन्स्टिट्यूट ऑफ हाय सिक्युरिटी ॲनिमल डिसीज आणि भोपाळच्या प्रयोगशाळेतही सविस्तर तपासणी करण्यात आली.27 फेब्रुवारी रोजी अहवालात H5N1 विषाणूची (बर्ड फ्लू) पुष्टी झाली.

या विषाणूने गेल्या दोन वर्षांत जगातील अनेक देशांतील करोडो पक्ष्यांचा नाश केला आहे आणि केवळ पक्षीच नाही तर ओटर्स, सील, हार्बर पोर्पोइज आणि कोल्हे इत्यादींसह अनेक प्राण्यांवरही याचा वाईट परिणाम झाला आहे.