Lakhnow News : उत्तर प्रदेशात स्वाइन फ्लूचा वाढता धोका; योगी सरकार सतर्क

Lakhnow News :लखनौ : उत्तर प्रदेशात H1N1 अर्थात स्वाइन फ्लूच्या वाढत्या प्रकरणांच्या पार्श्वभूमीवर मुख्यमंत्री योगी आदित्यनाथ यांनी उच्चस्तरीय बैठक घेत आरोग्य यंत्रणेला सतर्क राहण्याचे निर्देश दिले. रुग्णालयांची तयारी, उपचार व्यवस्था आणि संसर्ग नियंत्रणाचा आढावा घेण्यात आला. राज्यातील सर्व सरकारी आरोग्य संस्थांमध्ये H1N1 चाचणी मोफत करण्याचे आदेश देण्यात आले आहेत. गंभीर रुग्णांसाठी आवश्यक ठिकाणी स्वतंत्र ICU, व्हेंटिलेटर आणि इतर वैद्यकीय सुविधा उपलब्ध ठेवण्याच्या सूचनाही देण्यात आल्या.https://maharashtramirror.com/ Lakhnow News

खासगी रुग्णालये व लॅबकडून सरकारने निश्चित केलेल्या शुल्कापेक्षा अधिक आकारणी होऊ नये, याची दक्षता घेण्याचे निर्देश देण्यात आले आहेत. तसेच आशा स्वयंसेविका आणि एएनएमच्या माध्यमातून प्रभावित भागांत घरोघरी सर्वेक्षण करून संशयित रुग्णांना उपचारासाठी आरोग्य केंद्रांकडे पाठवले जाणार आहे.https://maharashtramirror.com/ Lakhnow News

रुग्णालयांवरील ताण कमी करण्यासाठी टेलिकन्सल्टेशन सेवेला प्रोत्साहन देण्यासोबतच नागरिकांनी अफवांवर विश्वास न ठेवता अधिकृत माहितीवरच भर द्यावा, असे आवाहन सरकारने केले आहे.