Pune Crime: उत्तमनगर बाजार आवारातील गाळे विक्रीत ५०.५ कोटींचा गैरव्यवहार

Pune Crime : पुणे, महाराष्ट्र मिरर : पुणे कृषी उत्पन्न बाजार समितीच्या उत्तमनगर येथील दुय्यम बाजार आवारातील गाळे विक्री प्रक्रियेत सुमारे साडेपाच कोटी रुपयांचा मोठा गैरव्यवहार झाल्याचा गंभीर आरोप खडकवासला विधानसभा मतदारसंघ काँग्रेस कमिटीचे अध्यक्ष उमेश भीमराव कोकरे यांनी केला आहे. या प्रकरणाची सखोल आणि निष्पक्ष चौकशी करण्यात यावी, तसेच जोपर्यंत या संपूर्ण प्रकरणाची दूध का दूध आणि पाणी का पाणी होत नाही, तोपर्यंत बाजार आवाराचे उद्घाटन होऊ देणार नाही, असा सज्जड दम देत तीव्र आंदोलनाचा इशारा त्यांनी प्रशासनाला दिला आहे.https://maharashtramirror.com/ Pune News

उत्तमनगर येथील दुय्यम बाजार आवारामध्ये गाळे विक्रीसाठी काही दिवसांपूर्वी प्रशासनाकडून अधिकृत जाहिरात प्रसिद्ध करण्यात आली होती. या जाहीर निविदेनुसार प्रत्येक गाळ्याची किंमत ४ लाख रुपये इतकी निश्चित करण्यात आल्याचे नमूद होते. मात्र, प्रत्यक्षात ही प्रक्रिया राबवताना गाळेधारकांकडून ४ लाख रुपयांची अधिकृत पावती देण्यात आली आणि त्याव्यतिरिक्त तब्बल १० लाख रुपये रोख स्वरूपात उकळण्यात आले, असा खळबलक आरोप काँग्रेस कमिटीचे अध्यक्ष उमेश कोकरे यांनी केला आहे.एकूण ५६ गाळ्यांच्या या संपूर्ण विक्री प्रक्रियेत अशा प्रकारे मोठ्या प्रमाणात काळा पैसा आणि आर्थिक अनियमितता झाल्याचे उघडकीस येत आहे. विशेष म्हणजे, या संपूर्ण प्रक्रियेमध्ये स्थानिक शेतकरी आणि खरोखर पात्र असलेल्या स्थानिक व्यावसायिकांना डावलण्यात आले असून, केवळ आर्थिकदृष्ट्या अतिशय सक्षम असलेल्या व्यक्तींनाच गाळे बळकावले गेल्याचा आरोपही या वेळी करण्यात आला आहे. त्यामुळे या संपूर्ण निविदा प्रक्रियेची आणि गाळे वाटपाची पारदर्शकता पूर्णपणे संशयास्पद ठरली आहे.https://maharashtramirror.com/ Pune News

बाजार समितीच्या अधिकाऱ्यांना निवेदन

या गंभीर प्रकरणाची दखल घेत उमेश भीमराव कोकरे यांनी पुणे कृषी उत्पन्न बाजार समितीच्या मार्केट यार्ड येथील मुख्य कार्यालयात जाऊन संबंधित प्रशासकीय अधिकाऱ्यांना अधिकृत निवेदन सुपूर्द केले आहे. या निवेदनाद्वारे सध्याची संशयास्पद गाळे वाटप प्रक्रिया तात्काळ रद्द करण्यात यावी आणि या ५६ गाळ्यांच्या संपूर्ण आर्थिक व्यवहाराची उच्चस्तरीय चौकशी करावी, अशी आक्रमक मागणी करण्यात आली आहे.या प्रकरणी बोलताना उमेश कोकरे यांनी स्पष्ट केले की, “स्थानिक शेतकऱ्यांच्या आणि सर्वसामान्य व्यावसायिकांच्या हक्कासाठी आमचा हा लढा सुरूच राहील. गाळे विक्रीची प्रक्रिया नियमांनुसार आणि पारदर्शक पद्धतीने झाली आहे का, याचा खुलासा प्रशासनाने तातडीने करावा. जर खरोखरच पात्र लाभार्थ्यांना डावलून आर्थिक हितसंबंधांच्या आणि भ्रष्टाचाराच्या आधारे गाळे वाटप झाले असेल, तर त्याची निष्पक्ष चौकशी होऊन दोषी असणाऱ्यांवर कठोर कायदेशीर कारवाई झालीच पाहिजे.” जोपर्यंत या संपूर्ण प्रकरणाची सत्यता समोर येत नाही आणि गाळे वाटपाबाबत पूर्ण स्पष्टता येत नाही, तोपर्यंत प्रशासनाने या बाबतची पुढील सर्व कार्यवाही तातडीने थांबवावी, असेही त्यांनी बजावले आहे.https://maharashtramirror.com/ Pune News

या संपूर्ण घोटाळ्याप्रकरणी प्रशासनाकडून योग्य आणि ठोस दखल घेतली गेली नाही, तर दुय्यम बाजार आवाराच्या ठरलेल्या उद्घाटनाच्या दिवशीच तीव्र स्वरूपाचे निषेध आंदोलन छेडण्यात येईल, असा इशारा खडकवासला विधानसभा मतदारसंघ काँग्रेस कमिटीचे अध्यक्ष उमेश भीमराव कोकरे यांनी दिला आहे. यामुळे पुणे बाजार समिती वर्तुळात मोठी खळबळ उडाली असून प्रशासनाचे धाबे दणाणले आहेत.https://maharashtramirror.com/ Pune News

गाळे विक्री प्रक्रियेची तातडीने स्वतंत्र व उच्चस्तरीय चौकशी करावी. निविदेत ४ लाख रुपये किंमत असताना अतिरिक्त रोख रक्कम घेतल्याच्या आरोपाची सखोल चौकशी व्हावी. सर्व ५६ गाळ्यांच्या संपूर्ण आर्थिक व्यवहाराचे व कागदपत्रांचे विशेष ऑडिट करावे. निविदा व गाळे वाटप प्रक्रिया खरोखरच पारदर्शक होती का, याची सविस्तर तपासणी करावी. स्थानिक शेतकरी व पात्र लाभार्थ्यांना न्याय देऊन योग्य प्रतिनिधित्व दिले जावे. गैरप्रकारात दोषी आढळणाऱ्यांवर कसलाही विलंब न करता कठोर कायदेशीर कारवाई करावी. चौकशी पूर्ण होईपर्यंत आणि स्पष्टता येईपर्यंत संशयास्पद गाळे वाटपाची पुढील सर्व कार्यवाही थांबवावी. अशा मागण्यावेळी उमेश कोकरे यांनी केल्या आहेत.