PUNE NEWS : कात्रज-कोंढवा मार्गावरील वाहतुकीत बदल

पुणे, महाराष्ट्र मिरर, प्रतिनिधी : कात्रज चौक ते राजस सोसायटी दरम्यान सुरू असलेल्या सहा पदरी उड्डाणपुलाच्या सेगमेंटल लाँचिंगच्या कामामुळे वाहतुकीत तात्पुरते बदल करण्यात आले आहेत. वाहतूक सुरक्षित व सुरळीत राहावी यासाठी वाहतूक शाखेचे पोलीस उपआयुक्त डॉ. संदीप भाजीभाकरे यांनी आदेश जारी केले आहेत.

या आदेशानुसार १९ जूनपासून पुढील आदेशापर्यंत आवश्यकतेनुसार वाहतूक वळविण्यात आली आहे. उड्डाणपुलाच्या कामामुळे राजस सोसायटी चौक परिसरातील वाहतुकीचे नियोजन बदलण्यात आले आहे.

वाहतुकीतील प्रमुख बदल
कोंढवा ते कात्रज जाणाऱ्या वाहनांनी राजस पुलाचा वापर न करता शेजारील सर्व्हिस रोडने इच्छित स्थळी जावे.
राजस पुलावरील वाहतूक फक्त कात्रज ते कोंढवा दिशेने जाणाऱ्या वाहनांसाठी एकेरी करण्यात आली आहे.
कात्रज तलावाकडून येणाऱ्या वाहनांनी राजस सोसायटी चौक किंवा कोंढव्याकडे जाण्यासाठी डावीकडे वळून सर्व्हिस रोडमार्गे राजस पुलावरून पुढे जावे.
राजस सोसायटीकडून कात्रजकडे जाणाऱ्या वाहनांनी कपिला डेअरी परिसरातून यू-टर्न घेऊन इच्छित मार्गाने प्रवास करावा.
वाहतूक पोलिसांनी नागरिकांना पर्यायी मार्गांचा वापर करून सहकार्य करण्याचे आवाहन केले आहे.

संबंधित विभागांना आवश्यक दिशादर्शक फलक लावण्याच्या सूचना देण्यात आल्या असून वाहतूक बदलांची माहिती सोशल मीडिया व अधिकृत माध्यमांतून प्रसारित केली जाणार आहे.
वाहनचालकांनी या कालावधीत संयम बाळगून वाहतूक पोलिसांच्या सूचनांचे पालन करावे, असे आवाहन पोलीस उपआयुक्त डॉ. भाजीभाकरे यांनी केले आहे.

katraj-kondhava margavaril vahatukit badal pune, maharashtra mirror : katraj chowk te rajas society darmyan suru aslelya saha padari uddanpulachya segamental lonchingchya kamamule vahatukit tatpurate badal karnyat ale aahet. vahatuk surakshit v suralit rahavi yasathi vahatuk shakheche police upaayukt daw. sandeep bhajibhakare yanni aadesh jari kele aahet. ya aadeshanusar 19 junepasun pudhil aadeshaparyant aavashyakatenusar vahatuk valavinyat aali aahe. uddanpulachya kamamule rajas society chowk parisaratil vahtukeeche niyojan badalnyat ale aahe. vahatukitil pramukh badal kondhava te katraj janarya vahananni rajas pulacha vapar n karata shejaril service rodne ichchhit sthali jave. rajs pulavaril vahatuk fakt katraj te kondhwa dishene janarya vahanansathi ekeri karnyat aali aahe. katraj talavakadoon yenarya vahananni rajas society chowk kinva kondhavyakade janyasathi davikade valoon service rodamarge rajas pulavarun pudhe jave. rajs societikadoon katrajkade janarya vahananni kapila dairy parisaratun ue-turn gheun ichchhit margane pravas karava. vahtook polisanni nagrikanna paryayi margancha vapar karun sahkarya karnyache aavahan kele aahe. sambandhit vibhaganna aavashyak dishadarshak falak lavanyachya suchana denyat aalya asun vahatuk badalaanchi mahiti social meediya v adhikrut madhyamantun prasarit keli janar aahe. vahanachalakanni ya kalavadhit sanyam badgun vahatuk polisanchya suchananche palan karave, ase aavahan police upaayukt daw. bhajibhakare yanni kele aahe.

1,339

Traffic Changes on Katraj-Kondhwa Road