Silod News : जरांगे पाटील यांच्या आंदोलनाला पाठिंबा

Silod News : सिल्लोड : मराठा आरक्षणाच्या मागणीसाठी मनोज जरांगे पाटील यांनी सुरू केलेल्या आंदोलनाला पाठिंबा देण्यासाठी सिल्लोड तालुक्यात मराठा समाज बांधवांच्या वतीने गुरुवारी (दि. ३) रास्ता रोको आंदोलन करण्यात आले. सिल्लोड-कन्नड राज्य महामार्गावरील धानोरा फाटा येथे करण्यात आलेल्या या आंदोलनामुळे काही काळ वाहतुकीवर परिणाम झाला.https://maharashtramirror.com/ Silod News
मराठा समाज बांधवांनी बैलगाड्या आणि जनावरांसह महामार्गावर ठिय्या देत सुमारे एक तास रास्ता रोको केला. यावेळी मराठा आरक्षणासह विविध मागण्यांकडे शासनाचे लक्ष वेधण्यात आले. आंदोलकांनी आपल्या मागण्यांच्या समर्थनार्थ जोरदार घोषणाबाजी केली.https://maharashtramirror.com/ Silod News
आंदोलनादरम्यान प्रशासनाच्या अधिकाऱ्यांना विविध मागण्यांचे निवेदन देण्यात आले. शासनाने मराठा समाजाच्या मागण्यांबाबत तातडीने सकारात्मक निर्णय घ्यावा, अशी मागणी यावेळी करण्यात आली. आंदोलनस्थळी प्रशासनाच्या वतीने आंदोलकांशी चर्चा करून परिस्थिती नियंत्रणात ठेवण्यात आली. दरम्यान, आंदोलनाच्या पार्श्वभूमीवर कोणताही अनुचित प्रकार घडू नये, यासाठी घटनास्थळी मोठा पोलिस बंदोबस्त तैनात करण्यात आला होता. रास्ता रोकोनंतर वाहतूक सुरळीत करण्यात आली.