Pune Fraud : एरंडवणे येथे ऑनलाइन फसवणुकीत ज्येष्ठ नागरिकाची ५.५४ लाख रुपयांची लूट

संशयिताने पीडिताच्या मोबाईलवर लिंक पाठवून चोरले पैसे

पुणे, महाराष्ट्र मिरर : डॉक्टरांची अपॉइंटमेंट घेण्यासाठी फोन केला असता एका ६३ वर्षीय व्यक्तीची ५.५४ लाख रुपयांची फसवणूक झाल्याची घटना नुकतीच उघडकीस आली आहे. फोनवर एका अज्ञात व्यक्तीने तक्रारदाराला एक लिंक पाठवली आणि त्यांची वैयक्तिक माहिती घेतली. त्यानंतर, संशयिताने तक्रारदाराला गुगल पे (Google Pay) वरून फी भरण्यास सांगितले आणि त्यांच्या मोबाईल फोनचा ताबा मिळवला. अशा प्रकारे संशयिताने ज्येष्ठ नागरिकाच्या खात्यातून पैसे वर्ग करून त्यांची ५.५४ लाख रुपयांची फसवणूक केली.

याप्रकरणी डेक्कन पोलीस ठाण्यात भारतीय न्याय संहितेच्या (BNS) कलम ३१८(४), ३१९(२) आणि आयटी कायद्याच्या कलम ६६(डी) नुसार गुन्हा दाखल करण्यात आला आहे. वरिष्ठ पोलीस निरीक्षक गिरीशा निंबाळकर या प्रकरणाचा अधिक तपास करत आहेत.

Senior Citizen Swindled Out of ₹5.54 Lakh in Online Fraud in Erandwane