Sanjay Raut : देवेंद्र फडणवीस आणि ठाकरे बंधूंच्या भेटीवर संजय राऊतांची तुफान फटकेबाजी; राजकीय वर्तुळात रंगल्या नव्या चर्चा

•Devendra Fadnavis Meet Uddhav Thackeray : "राजकारण आणि व्यक्तिगत संबंध वेगळे असतात; नेत्यांच्या भेटीगाठींवर ठाकरे गटाच्या नेत्याची रोखठोक प्रतिक्रिया."

मुंबई :- नुकतेच दादरच्या स्वातंत्र्यवीर सावरकर सभागृहात झालेल्या एका पुस्तक प्रकाशन सोहळ्यात मुख्यमंत्री देवेंद्र फडणवीस, माजी मुख्यमंत्री उद्धव ठाकरे आणि मनसे प्रमुख राज ठाकरे हे तिन्ही नेते एकाच मंचावर एकत्र आले होते. या दुर्मिळ भेटीनंतर आणि दोन्ही ठाकरे बंधूंच्या सहभागामुळे महाराष्ट्राच्या राजकारणात विविध चर्चांना उधाण आले आहे.

या पार्श्वभूमीवर ठाकरे गटाचे नेते तथा खासदार संजय राऊत यांनी या भेटीवर आपली रोखठोक प्रतिक्रिया दिली आहे. राजकीय मतभेद आणि टोकाची कटुता असली तरी महाराष्ट्राच्या संस्कृतीनुसार सांस्कृतिक किंवा साहित्यिक कार्यक्रमांमध्ये वेगवेगळ्या विचारसरणीचे नेते एकत्र येणे ही काही नवी गोष्ट नाही, असे सांगत त्यांनी या भेटीचे महत्त्व अधोरेखित केले.

"व्यक्तिगत पातळीवर शत्रूत्व नसते"; संजय राऊतांचे स्पष्टीकरण

या संदर्भात बोलताना संजय राऊतांनी स्पष्ट केले की, राजकारणात मतभेद असले तरी व्यक्तिगत पातळीवर टोकाचे शत्रूत्व असण्याचे कारण नाही. यापूर्वीही आजारपणात किंवा इतर प्रसंगी राजकीय नेत्यांनी एकमेकांची चौकशी केल्याचे दाखले देत त्यांनी नेत्यांच्या अशा व्यक्तिगत व सांस्कृतिक भेटगाठींचे समर्थन केले.

दरम्यान, विधान परिषद निवडणुकीचे निकाल आणि त्यानंतर महायुतीमध्ये सुरू असलेली रस्सीखेच यावरही राजकीय वर्तुळातून तीव्र प्रतिक्रिया उमटत असून, या तिन्ही नेत्यांच्या एकत्र येण्याने आगामी काळातील राजकारणाला नवे वळण मिळणार का, याकडे संपूर्ण महाराष्ट्राचे लक्ष लागून आहे.

हेही वाचा: Nilesh Rane : विधान परिषद निकालानंतर महायुतीत जुंपली; भाजप प्रवक्ते नवनाथ बन यांच्या आरोपांवर आमदार निलेश राणेंचा सणसणीत पलटवार