Pune Police : महाराष्ट्रातील २२ पोलीस अधिकारी ‘केंद्रीय गृहमंत्री दक्षता पदकाने’ सन्मानित

पुणे, महाराष्ट्र मिरर

Pune Police : गुन्ह्यांच्या तपासामध्ये उच्च दर्जाचे कौशल्य, आधुनिक तंत्रज्ञानाचा प्रभावी वापर आणि उल्लेखनीय कामगिरी बजावणाऱ्या पोलीस अधिकारी व कर्मचाऱ्यांच्या कार्याचा गौरव करण्यासाठी देण्यात येणाऱ्या ‘केंद्रीय गृहमंत्री दक्षता पदक’ (अन्वेषण) प्रदान सोहळा पुण्यात मोठ्या उत्साहात पार पडला। पुण्यातील पोलीस संशोधन केंद्रात झालेल्या विशेष समारंभात महाराष्ट्राचे पोलीस महासंचालक सदानंद दाते यांच्या हस्ते सन २०२३ आणि २०२४ या वर्षांसाठी महाराष्ट्रातील एकूण २२ पोलीस अधिकाऱ्यांना या प्रतिष्ठेच्या पदकाने सन्मानित करण्यात आले. Pune Police medal awarded officers rawale

पुणे शहर पोलीस दलाच्या शिरपेचात मानाचा तुरा

या सन्मानित अधिकाऱ्यांमध्ये पुणे शहर पोलीस दलातील परिमंडळ-१ चे पोलीस उपायुक्त (डीसीपी) ऋषिकेश प्रदीप रावले यांचाही समावेश आहे। त्यांच्या नेतृत्वाखाली उघडकीस आणण्यात आलेल्या ऑनर किलिंग आणि दुहेरी हत्याकांडाच्या अत्यंत गुंतागुंतीच्या व सनसनाटी प्रकरणाची केंद्रीय स्तरावर दखल घेण्यात आली होती.

तपासादरम्यान डीसीपी रावले यांच्या पथकाने पारंपारिक तपासापलीकडे जात सीसीटीव्ही फुटेज, सीडीआर, एसडीआर, डम्प डेटा, डीएनए प्रोफाइलिंग, बॅलेस्टिक अहवाल आणि इतर वैज्ञानिक पुराव्यांचा अत्यंत प्रभावी वापर केला। या सखोल तांत्रिक तपासातून या प्रकरणामागील मूळ सूत्रधारांसह एकूण १३ आरोपी निष्पन्न करण्यात आले व त्यांना जेरबंद करण्यात आले। या खटल्यात सक्षम दोषारोपपत्र दाखल केल्यामुळे न्यायालयाने यातील ५ आरोपींना जन्मठेप, तर अन्य २ आरोपींना प्रत्येकी ५ वर्षांच्या कारावासाची शिक्षा सुनावली. या उत्कृष्ट आणि تور तपास कामगिरीबद्दल रावले यांना हा सन्मान प्रदान करण्यात आला आहे. pune police

Traffic News : ‘ट्रॅफिक बडी’चे वाहतुकीवर लक्ष; व्हॉट्सॲपवरून थेट तक्रार

राज्याच्या पोलीस दलाची गुणवत्ता अधोरेखित

पुण्यात पार पडलेल्या या सोहळ्यात २०२३ आणि २०२४ या दोन वर्षांतील कामगिरीसाठी राज्यभरातील २२ गुन्हे अन्वेषण अधिकाऱ्यांना गौरविण्यात आले। यामध्ये २ पोलीस अधीक्षक, ४ पोलीस उपअधीक्षक, ९ पोलीस निरीक्षक, ६ सहायक पोलीस निरीक्षक आणि १ पोलीस उपनिरीक्षक यांचा समावेश आहे

या पुरस्कारप्राप्त अधिकाऱ्यांनी आपल्या कार्यकाळात खून, दरोडे, खंडणी, अपहरण, सायबर गुन्हे, आर्थिक फसवणूक आणि क्रिप्टोकरन्सीशी संबंधित अत्यंत क्लिष्ट गुन्ह्यांचा छडा लावला आहे. आधुनिक सायबर टूल्स, डिजिटल पुरावे आणि फॉरेन्सिक सायन्सच्या आधारे गुन्हे उघडकीस आणल्यामुळे राज्यातील कायदा व सुव्यवस्था अधिक बळकट झाल्याचे यावेळी नमूद करण्यात आले. pune police

Liquor shop housing society NOC rule : सोसायटीच्या संमतीशिवाय दारूचे दुकान नाही!

उच्चपदस्थांची विशेष उपस्थिती

या दिमाखदार सोहळ्याला राज्याचे पोलीस महासंचालक सदानंद दाते यांच्यासह पुणे शहर पोलीस आयुक्त अमितेश कुमार, पिंपरी-चिंचवड पोलीस आयुक्त विनय कुमार चौबे, अपर पोलीस महासंचालक सुनील रामानंद यांच्यासह पोलीस दलातील अनेक वरिष्ठ अधिकारी मोठ्या संख्येने उपस्थित होते.

या पुरस्कार सोहळ्यामुळे राज्यातील पोलीस अधिकाऱ्यांमध्ये अधिक जोमाने, पारदर्शक पद्धतीने आणि शास्त्रीय दृष्टिकोनातून गुन्हे अन्वेषण करण्यासाठी मोठी प्रेरणा निर्माण झाली असून, महाराष्ट्र पोलीस दलाची मान उंचावली आहे.