Panvel Latest News : पनवेल-तक्का रोडची दुरवस्था: स्मार्ट सिटीतील 'स्मार्ट' रेल्वे स्टेशनकडे जाण्याचा मार्गच खड्ड्यात!

Panvel Road Latest News : नागरिकांचा संताप अनावर: "स्मार्ट सिटीच्या घोषणा फक्त कागदावरच, आमदारांसह महानगरपालिकेचं दुर्लक्ष!"

पनवेल :- 'स्मार्ट सिटी' म्हणून Panvel Smart City मिरवणाऱ्या पनवेलमधील नागरिकांचे हाल सध्या परमोच्च बिंदूवर पोहोचले आहेत. पनवेलच्या 'स्मार्ट रेल्वे स्टेशन'कडे जाणारा पनवेल-तक्का रोड सध्या अत्यंत दयनीय अवस्थेत असून, जागोजागी पडलेल्या खोल खड्ड्यांमुळे वाहनचालक आणि पादचारी अक्षरशः मेटाकुटीला आले आहेत. पावसाळ्यात तर या रस्त्यावर प्रवास करणे म्हणजे मृत्यूला आमंत्रण देण्यासारखे झाले आहे, तरीही पनवेल महानगरपालिका आणि स्थानिक आमदार प्रशांत ठाकूर MLA Prashant Thakur यांच्याकडून या रस्त्याच्या दुरुस्तीकडे पूर्णपणे दुर्लक्ष होत असल्याने नागरिकांचा संताप शिगेला पोहोचला आहे. Panvel Latest News

दररोज हजारो नागरिक या मार्गावरून पनवेल रेल्वे स्थानकाकडे ये-जा करतात. हा रस्ता पनवेलमधील एक महत्त्वाचा मार्ग असूनही, त्याची सध्याची अवस्था पाहून नागरिक संतप्त झाले आहेत. "स्मार्ट सिटीच्या नावाखाली केवळ मोठ्या घोषणा होतात, पण प्रत्यक्षात शहरातील मूलभूत सुविधांची ही अवस्था आहे," अशी तीव्र प्रतिक्रिया स्थानिक नागरिक व्यक्त करत आहेत. खड्ड्यांमुळे वाहनांचे नुकसान होण्याबरोबरच, लहान-मोठे अपघात नित्याचे झाले आहेत. विशेषतः रात्रीच्या वेळी आणि पावसाळ्यात खड्ड्यांचा अंदाज न आल्याने अनेकजण अपघातग्रस्त होत आहेत.

नागरिकांनी या रस्त्याच्या तातडीने आणि दर्जेदार दुरुस्तीची मागणी लावून धरली आहे. स्थानिक लोकप्रतिनिधी म्हणून आमदार प्रशांत ठाकूर आणि पनवेल महानगरपालिकेची ही जबाबदारी आहे की, नागरिकांना सुस्थितीतील रस्ते मिळावेत. मात्र, वारंवार तक्रारी करूनही यावर कोणतीही ठोस कार्यवाही झालेली नाही. यामुळे नागरिकांमध्ये प्रचंड नाराजी आणि प्रशासनाविरोधात असंतोष वाढत आहे.

स्मार्ट सिटीच्या घोषणा देऊन केवळ फलक लावण्याऐवजी, प्रशासनाने प्रत्यक्ष काम करून नागरिकांना दिलासा द्यावा, अशी मागणी आता जोर धरू लागली आहे. अन्यथा, हा संताप भविष्यात आंदोलनाचे रूप धारण करेल, अशी शक्यता वर्तवली जात आहे.