Mumbai Crime News : मुंबईमध्ये 6.19 कोटींचे अंमली पदार्थ जप्त

•Drugs worth Rs 6.19 crore seized in Mumbai मुंबई परिमंडळ 6 च्या पथकाची कारवाई ; गोवंडीच्या शिवाजी नगर परिसरात अंमली पदार्थांची तस्करी करणाऱ्या एका सराईत आरोपीला अटक

मुंबई :- अंमली पदार्थांची तस्करी करणाऱ्या एका सराईत आरोपीला परिमंडळ-6 च्या पथकाने अटक केली. या आरोपीच्या ताब्यातून पोलिसांनी 6.19 कोटी रुपये किंमतीचे अंमली पदार्थ जप्त केले असून पोलीस याप्रकरणी अधिक तपास करीत आहेत.

गोवंडी शिवाजी नगर परिसरातील कमला रमण नगर परिसरात एक व्यक्ती मोठ्या प्रमाणात अमली पदार्थांची तस्करी करीत असल्याची माहिती परिमंडळ-6 च्या अंमली पदार्थ विरोधी पथकाचे सहाय्यक पोलीस निरीक्षक मैत्रानंद खंदारे यांना मिळाली होती. त्यानुसार पोलिसांनी आरोपी सलमान शेख (23 वय) याच्या घरी छापा घातला. यावेळी पोलिसांना त्याच्या घरात साडेतीन किलो एमडी, बारा किलो गांजा आणि कोडेन सिरफ,रोख रक्कम असा एकूण 6 कोटी 19 लाख 48 हजार रुपये किंमतीचा अंमली पदार्थांचा साठा सापडला.

आरोपी सलमान इजहार शेख याच्या विरोधात शिवाजीनगर पोलीस ठाण्यात एनडीपीएस कायद्याअंतर्गत कारवाई करण्यात आली आहे.पोलीस अधिक तपास करीत आहेत.

हेही वाचा: Navi Mumbai Crime News : नवी मुंबईमध्ये बेकायदेशीर बांगलादेशी नागरिकांवर कारवाई; बनावट कागदपत्रे आणि पासपोर्ट उघड