Mumbai Breaking News : मुंबईत दोन कोविड बाधितांचा मृत्यू: आरोग्य यंत्रणा सतर्क

Mumbai Latest Covid News : केईएम रुग्णालयात 14 वर्षांची मुलगी आणि 59 वर्षांच्या महिलेचा मृत्यू, कोविड चाचणी मृत्यूनंतर पॉझिटिव्ह

मुंबई :- केईएम रुग्णालयात रविवारी दोन रुग्णांचा मृत्यू झाला असून, त्यांच्यात मृत्यूनंतर करण्यात आलेल्या कोविड-19 चाचणीत दोघेही पॉझिटिव्ह आढळले आहेत. यामध्ये एका 14 वर्षांच्या नेफ्रोटिक सिंड्रोमने ग्रस्त मुलीचा आणि एका 59 वर्षांच्या कर्करोग पीडित महिलेचा समावेश आहे. Mumbai Breaking News

डॉक्टरांचे स्पष्टीकरण: मृत्यूचे मुख्य कारण इतर आजार, मात्र नागरिकांनी राहावे सतर्क

रुग्णालयाचे वैद्यकीय अधीक्षक डॉ. मोहन देसाई यांनी स्पष्ट केले की, या दोघांचाही मृत्यू त्यांच्या प्राथमिक आरोग्य समस्यांमुळे झाला असून कोविड-19 हे थेट कारण नव्हते. मात्र खबरदारीचा उपाय म्हणून दोघांवरही कोविड प्रोटोकॉलनुसार अंत्यसंस्कार करण्यात आले. Mumbai Latest Covid News

शहरात गेल्या काही दिवसांत कोविडच्या रुग्णसंख्येत सौम्य वाढ पाहायला मिळत आहे. डॉक्टरांनी नागरिकांना घाबरून न जाता सतर्क राहण्याचा सल्ला दिला आहे. मास्क वापरणे, हात स्वच्छ ठेवणे आणि कोणतीही लक्षणे आढळल्यास त्वरित वैद्यकीय सल्ला घेणे, हे उपाय महत्वाचे ठरत आहेत.

आरोग्य यंत्रणांनी परिस्थितीवर बारकाईने लक्ष ठेवले असून, सार्वजनिक आरोग्यास धोका होणार नाही यासाठी उपाययोजना सुरु आहेत.