Pune News : महाराष्ट्र शासनाचा महत्त्वाकांक्षी निर्णय: ‘मिशन लक्ष्यवेध’च्या खेळाडूंना राज्यस्तरीय क्रीडा स्पर्धांमध्ये थेट प्रवेश

Pune News : पुणे: ऑलिम्पिक, आशियाई आणि राष्ट्रकुल (कॉमनवेल्थ) खेळ यांसारख्या आंतरराष्ट्रीय व्यासपीठांवर महाराष्ट्रातील खेळाडूंना पदकांची कमाई करता यावी, या उद्देशाने क्रीडा व युवक सेवा संचालनालयाने एक महत्त्वाचा निर्णय घेतला आहे. शासनाच्या ‘मिशन लक्ष्यवेध’ योजनेअंतर्गत प्रशिक्षण घेणाऱ्या खेळाडूंना आता क्रीडा प्रबोधिनीच्या धर्तीवर राज्यस्तरीय शालेय क्रीडा स्पर्धा व निवड चाचण्यांमध्ये थेट (डायरेक्ट) प्रवेश दिला जाणार आहे. शैक्षणिक वर्ष २०२६-२७ पासून या निर्णयाची अंमलबजावणी केली जाईल.https://maharashtramirror.com/ Pune News
आत्तापर्यंत राज्यस्तरीय स्पर्धांमध्ये ८ विभागीय संघ आणि १ क्रीडा प्रबोधिनीचा संघ असे एकूण ९ संघ सहभागी होत असत. मात्र, आता 'मिशन लक्ष्यवेध'चा १० वा संघ म्हणून समावेश करण्यात आला आहे. या योजनेअंतर्गत जिल्हा क्रीडा प्रतिभा विकास केंद्र, विभागीय स्पोर्ट्स एक्सलन्स सेंटर आणि हाय परफॉर्मन्स सेंटर (एचपीसी) या त्रिस्तरीय रचनेत प्रशिक्षण घेणारे खेळाडू सहभागी होतील. राष्ट्रीय व आंतरराष्ट्रीय स्तरावर चमकलेल्या या प्रतिभावंत खेळाडूंची विशेष निवड चाचणीद्वारे अंतिम निवड केली जाईल. वैयक्तिक खेळप्रकारांतील खेळाडू आणि सांघिक खेळांचा संपूर्ण संघ थेट राज्यस्तरीय स्पर्धेत उतरेल.https://maharashtramirror.com/ Pune News

• नव्या खेळाडूंना संधी: उच्च दर्जाच्या खेळाडूंना थेट राज्यस्तरावर प्रवेश मिळाल्यामुळे तालुका, जिल्हा व विभाग स्तरावर इतर उदयोन्मुख खेळाडूंना आपली गुणवत्ता दाखवण्याची आणि पुढे येण्याची मोठी संधी मिळेल.
• सुविधा व निधी: या संघातून सहभागी होणाऱ्या खेळाडूंच्या निवास व भोजनाची व्यवस्था प्रचलित शासकीय नियमांनुसार केली जाईल.
• क्रीडा आयुक्त यांच्या मान्यतेने सहसंचालक संजय सबनीस यांनी यासंदर्भातील अधिकृत आदेश सर्व विभागीय उपसंचालक व जिल्हा क्रीडा अधिकाऱ्यांना जारी केले आहेत.