Mira Road Crime News : 'कासीम खान'चा गोव्यात पर्दाफाश; अंमली पदार्थ विक्रीप्रकरणी मध्यवर्ती गुन्हे शाखेची कारवाई
Mira Road Police Arrested Drug Smuggler : NDPS प्रकरणात सराईत आरोपी जेरबंद,गुप्त माहिती आणि तांत्रिक विश्लेषणावरून गोव्यातून अटक
1 min read
Mira Road Police Arrested Drug Smuggler : NDPS प्रकरणात सराईत आरोपी जेरबंद,गुप्त माहिती आणि तांत्रिक विश्लेषणावरून गोव्यातून अटक
मिरा रोड | अंमली पदार्थांच्या साखळीचा प्रमुख पुरवठादार ठरलेला अरबाज ऊर्फ कासीम निसार खान यास मध्यवर्ती गुन्हे प्रकटीकरण कक्षाच्या पथकाने गोवा राज्यातून अटक करून महाराष्ट्रात आणले. 116.7 ग्रॅम मॅफेड्रॉनसह अटक करण्यात आलेल्या दोन आरोपींकडून माहिती मिळाल्यानंतर कासीम खानचा तपास सुरु होता. तो गुन्हा घडल्यानंतर फरार झाला होता आणि गोव्यात लपून बसल्याचे निष्पन्न झाले. Mira Road Latest Crime News
Photos · 1/3
Arrow Keys ⟵ ⟶
रॅकेटचा 'डॉन' गोव्यातून गजाआड
दिनांक 17 मे 2025 रोजी, मिरारोड येथील दोन आरोपींकडून 23 लाखांहून अधिक किमतीचा मॅफेड्रॉन जप्त करण्यात आला होता. त्यानंतर काशीगाव पोलीस ठाण्यात एनडीपीएस कायद्यांतर्गत गुन्हा दाखल करण्यात आला होता. तपासादरम्यान हे स्पष्ट झाले की, सदर मादक पदार्थ कासीम खान यानेच पुरवले होते. पोलिसांनी गुप्त बातमीदारांच्या साहाय्याने आणि तांत्रिक विश्लेषणातून गोवा येथील ठिकाण ओळखून 21 जुलै रोजी नॉर्थ गोवा येथून त्याला 1.30 वाजता अटक केली.
कासीम खान याच्याविरोधात मिरारोड पोलीस ठाणे आणि काशीमिरा पोलीस ठाणे येथे देखील एनडीपीएस कायद्यांतर्गत गुन्हे दाखल आहेत. हा आरोपी पोलिसांच्या रडारवर असून अंमली पदार्थांच्या व्यवसायात त्याचा मोठा सहभाग असल्याचे उघड झाले आहे.
ही कारवाई पोलीस आयुक्त निकेत कौशिक, अतिरिक्त पोलीस आयुक्त दत्तात्रय शिंदे, पोलीस उप आयुक्त संदीप डोईफोडे, सहाय्यक आयुक्त मदन बल्लाळ यांच्या मार्गदर्शनाखाली करण्यात आली. प्रभारी पोलीस निरीक्षक अचिराज कुराडे यांच्या नेतृत्वाखाली सहाय्यक पोलीस निरीक्षक प्रशांत गांगुर्डे, दत्तात्रय सरक, पुष्पराज सुर्वे आणि त्यांच्या पथकाने ही योजना यशस्वीरीत्या राबवली.
