Kunal Kamra Controversy : कुणाल कामराच्या अडचणीत वाढ! विधान परिषदेत भाजपने हक्क भंगाचा प्रस्ताव आणला

•विधान परिषदेत आज भाजपचे आमदार प्रवीण दरेकर यांनी स्टॅन्ड अप कॉमेडियन विरोधात ठराव आणल्यानंतर कुणाल कामरा यांच्या अडचणीत वाढ होण्याची शक्यता

मुंबई :- कॉमेडियन कुणाल कामराबाबत सुरू असलेला वाद थांबताना दिसत नाहीये. त्याचे पडसाद विधिमंडळाच्या अधिवेशनातही उमटले आहेत. शिवसेना शिंदे गटाकडून कारवाईची मागणी करत असताना आता भाजपचे आमदार प्रवीण दरेकर यांनी हक्क भंगाचा प्रस्ताव आणला आहे.दरेकर यांनी स्टँड अप कॉमेडीयन अभिनेता कुणाल कामरा यांच्याविरोधात विशेषाधिकार भंगाचा प्रस्ताव विधान परिषदेत मांडला आहे.

भाजप नेत्याने सांगितले की, कुणाल कामरा यांनी एक विडंबन गाणे गायले आहे, ज्यात उपमुख्यमंत्री एकनाथ शिंदे यांच्याबद्दल वैयक्तिक आणि अपमानास्पद टिप्पणी समाविष्ट आहे. या नोटिशीवर विधानसभा अध्यक्ष राहुल नार्वेकर निर्णय घेतील, असे पीठासीन अधिकारी संजय केळकर यांनी सांगितले.

उपमुख्यमंत्री एकनाथ शिंदे यांच्याविरोधात वादग्रस्त कविता केल्याबद्दल पोलिसांनी कुणाल कामराविरोधात एफआयआर नोंदवला होता. पोलिसांनी कामराला दोनदा चौकशीसाठी बोलावले. त्यांनी एक आठवड्याचा अवधी मागितला होता पण तो फेटाळण्यात आला.दुसरीकडे, द हॅबिटॅट स्टुडिओमध्ये तोडफोड केल्याप्रकरणी पोलिसांनी मंगळवारीच वांद्रे न्यायालयातून जामीन मिळालेल्या शिवसेनेच्या 12 कार्यकर्त्यांना अटक केली होती. त्याचवेळी पोलीस आता हॅबिटॅट स्टुडिओच्या कर्मचाऱ्यांचे जबाब नोंदवत आहेत.

हेही वाचा: Anna Bansode : विधानसभा उपाध्यक्षपदी अण्णा बनसोडे यांची बिनविरोध निवड