Mumbai News : प्रोटीन पावडरपासून मद्यभेसळीपर्यंत FDAचा ‘ॲक्शन मोड’; तुकाराम मुंढेंचा तरुणांवर फोकस

Mumbai News : मुंबई : खाद्यपदार्थ आणि औषधांमधील भेसळ रोखण्यासाठी धडाकेबाज कारवाया करणाऱ्या अन्न व औषध प्रशासनाने (FDA) आता तरुण वर्गामध्ये मोठ्या प्रमाणात वापरल्या जाणाऱ्या प्रोटीन पावडर आणि न्युट्रास्युटिकल्सकडे आपला मोर्चा वळवला आहे. यासोबतच मद्यामध्ये होणारी भेसळ रोखण्यासाठीही प्रशासनाकडून कठोर पावले उचलली जाणार आहेत.https://maharashtramirror.com/ Mumbai news

एका कार्यक्रमात बोलताना FDA आयुक्त तुकाराम मुंढे यांनी प्रशासनाच्या आगामी कारवाईची माहिती दिली. निकृष्ट दर्जाचे खाद्यपदार्थ आणि औषधांविरोधात सुरू असलेल्या मोहिमेनंतर आता सप्लिमेंट्स, न्युट्रास्युटिकल्स आणि मद्याच्या गुणवत्तेवर विशेष लक्ष केंद्रित केले जाणार असल्याचे त्यांनी स्पष्ट केले.https://maharashtramirror.com/ Mumbai news

प्रोटीन पावडरची होणार कसून तपासणी
जिम आणि फिटनेसचा वाढता ट्रेंड पाहता तरुणांमध्ये प्रोटीन पावडर आणि विविध न्युट्रास्युटिकल्सचा वापर मोठ्या प्रमाणात वाढला आहे. मात्र, या उत्पादनांमध्ये नेमके कोणते घटक वापरले आहेत, लेबलवर करण्यात आलेले दावे कितपत योग्य आहेत आणि उत्पादनाची गुणवत्ता काय आहे, याची आता FDAकडून सखोल तपासणी केली जाणार आहे.

उत्पादनातील मूळ घटक, लेबलवरील माहिती, पोषणमूल्ये तसेच कंपन्यांकडून करण्यात येणारे आरोग्यविषयक दावे यांची पडताळणी केली जाणार आहे. नियमांचे उल्लंघन आढळल्यास संबंधित कंपन्यांवर कारवाई केली जाऊ शकते.

डॉक्टरांच्या चिठ्ठीशिवाय विक्रीवर कारवाई
औषधे आणि काही विशिष्ट सप्लिमेंट्सच्या विक्रीबाबतही FDAकडून कडक भूमिका घेतली जाणार आहे. डॉक्टरांच्या चिठ्ठीची आवश्यकता असलेल्या औषधांची नियमबाह्य विक्री होत असल्याचे आढळल्यास संबंधित विक्रेत्यांवर दंडात्मक कारवाई करण्याचा इशारा देण्यात आला आहे.

मद्यातील भेसळीवरही नजर
खाद्यपदार्थ आणि औषधांपुरतीच ही मोहीम मर्यादित राहणार नसून मद्यामध्ये होणारी भेसळ आणि निकृष्ट दर्जाच्या मद्याची विक्री रोखण्यासाठीही प्रशासनाकडून तपासणी आणि कारवाई वाढवली जाणार आहे.

FDAच्या या आगामी मोहिमेमुळे प्रोटीन पावडर, न्युट्रास्युटिकल्स आणि इतर सप्लिमेंट्सच्या गुणवत्तेबाबत अधिक काटेकोर तपासणी होण्याची शक्यता आहे. ग्राहकांच्या आरोग्याशी संबंधित उत्पादनांमध्ये नियमांचे उल्लंघन करणाऱ्यांवर कारवाई करण्याचा प्रशासनाचा भर असल्याचे मुंढे यांनी स्पष्ट केले.