Dharavi Fire : मुंबईतील धारावी येथे लागलेल्या आगीत 6 जण जखमी
•धारावीतील औद्योगिक वसाहतीमधील कंपाऊंडमधील दोन गोदामांमध्ये ही आग लागली होती.
1 min read
•धारावीतील औद्योगिक वसाहतीमधील कंपाऊंडमधील दोन गोदामांमध्ये ही आग लागली होती.
मुंबई :- मुंबईतील धारावी परिसरात मंगळवारी पहाटे लागलेल्या आगीत सहा जण जखमी झाले, त्यापैकी पाच जण भाजले.
धारावी येथील कला किला येथील 90 फूट रोड येथील अशोक मिल कंपाऊंडमधील तीन मजली आणि चार मजली इमारतींना मंगळवारी पहाटे 3.50 च्या सुमारास आग लागली आणि ती सकाळी 8.10 च्या सुमारास विझवण्यात आली.आगीची माहिती मिळताच मुंबई अग्निशमन दलाचे जवान काही मिनिटांत घटनास्थळी दाखल झाले आणि चार तासांच्या अथक प्रयत्नानंतर आग आटोक्यात आणण्यात यश आले. जखमींना तातडीने बीएमसीच्या सायन रुग्णालयात दाखल करण्यात आले.
जखमींची नावे
सलमान खान (26 वर्ष), मनोज (25 वर्ष), अमजद (22 वर्ष) आणि सल्लाउद्दीन (28 वर्ष), सैदुल रहमान (26 वर्ष) आणि रफिक अहमद (26 वर्ष) असे आगीत जखमी झालेल्या व्यक्तींची नावे आहेत. सलमान खान आणि मनोज दोघेही 8-10 टक्के भाजले आहेत. तर, अमजद, सल्लाउद्दीन आणि सैदुल हे सर्व 35-50 टक्के भाजले आहेत. रफिक अहमदच्या हाताला किरकोळ दुखापत झाली होती, त्याच्यावर उपचार करून त्याला सोडण्यात आले.
