Daund News : राष्ट्रवादी ग्राहक संरक्षण समितीच्या दौंड तालुका अध्यक्षपदी संभाजी फडके

दौंड तालुका प्रतिनिधी, हरिभाऊ बळी : ता. ९ राष्ट्रवादी ( शरद पवार ) पक्षाच्या ग्राहक संरक्षण समितीच्या दौंड तालुका अध्यक्षपदी संभाजी आत्माराम फडके कानगाव ( ता. दौंड ) यांची निवड करण्यात आली. खासदार सुप्रिया सुळे Supriya Sule यांच्या हस्ते व माजी आमदार रमेश थोरात, आप्पासाहेब पवार, बापूराव फडके, पुणे जिल्हा संघटक भाऊसाहेब फडके, ग्राहक संरक्षण समितीचे पुणे जिल्हा उपाध्यक्ष राहुल कोंडे, ग्राहक समितीचे दौंड तालुका सरचिटणीस सोमनाथ ढमे यांच्या प्रमुख उपस्थितीत संभाजी फडके यांची नियुक्ती करण्यात आली.
खासदार सुप्रिया सुळे यांचा मंगळवारी दौंड दौरा आयोजित कार्यक्रमात संभाजी फडके यांची दौंड तालुका अध्यक्षपदी निवड केल्याचे पेञ देण्यात आले. संभाजी फडके गेली अनेक वर्षापासून सामाजिक क्षेत्रात कार्यरत असून लोकांच्या अडीअडचणी सोडविण्यासाठी प्रयत्नशील असतात. त्यांच्या कामाची पद्धत पाहून खासदार सुप्रिया सुळे यांनी तालुका अध्यक्षपदाची धुरा त्यांच्यावर दिली आहे. यावेळी राष्ट्रवादी काँग्रेस शरद पवार पक्षाच्या सर्व सेलचे पदाधिकारी व कार्यकर्ते मोठ्या संख्येने उपस्थित होते.