Mumbai Share Market Scam : शेअर मार्केटच्या लोभात 1.5 कोटींची सायबर फसवणूक, बनावट ॲपने फसवले लोअर परळच्या उच्चपदस्थ व्यक्तीला

•व्हॉट्सॲप ग्रुपवर शेअर गुंतवणुकीच्या नावाखाली बनावट ॲप डाऊनलोड करण्यास सांगून फसवणूक

मुंबई | लोअर परळ परिसरात राहणाऱ्या 52 वर्षीय एका उच्चपदस्थ व्यक्तीला शेअर मार्केटमध्ये गुंतवणुकीतून मोठा परतावा देण्याच्या बहाण्याने सायबर फसवणूक करण्यात आली आहे. आरोपींनी बनावट मोबाइल ॲप्लिकेशन डाऊनलोड करण्यास सांगितले आणि तक्रारदाराचे सुमारे 1.5 कोटी रुपये या फसवणुकीतून उडवले.

2 मार्च 2025 रोजी या व्यक्तीला व्हॉट्सॲपवर ‘आस्क एलिट ट्रेडर’ या ग्रुपमध्ये सामील करून शेअर मार्केट संदर्भातील माहिती दिली गेली. या ग्रुपमधील ॲडमिननी गुंतवणुकीचे आकर्षक सल्ले देत तक्रारदाराला दुसऱ्या व्हॉट्सॲप ग्रुपमध्ये सहभागी होण्यासाठी लिंक दिली. त्यानंतर ‘आस्क-आयएटॉप’ नावाचे बनावट ॲप डाऊनलोड करण्यास सांगण्यात आले. सुरुवातीला तक्रारदाराने फक्त 10 हजार रुपये गुंतवले, पण ॲपवर दिसणाऱ्या नफ्याने त्यांचा विश्वास वाढला आणि मार्च ते मे या काळात सुमारे 1.25 कोटी रुपये ॲपमध्ये गुंतवले.

16 कोटींच्या नफ्याचा भास देऊन 40 लाखांहून अधिक रुपये ऐवजी नाही मिळाले रक्कम

ॲपवर 16 कोटी 75 लाख रुपयांचा नफा असल्याचा भास देण्यात आला, मात्र रक्कम बँक खात्यात हस्तांतरीत होत नव्हती. नफा काढण्यासाठी ॲडमिनकडून 10 टक्के सेवा कर भरावा लागेल असे सांगून तक्रारदाराने 38 लाख रुपये आणि नंतर अजून 5 लाख रुपये भरण्यास भाग पाडले. मात्र, रक्कम कधीही मिळाली नाही. शेवटी, तक्रारदाराने सायबर पोलिसांना संपर्क साधून तक्रार नोंदवली.

सायबर पोलिसांनी तक्रारीच्या आधारे भारतीय न्याय संहिता व माहिती तंत्रज्ञान कायद्यांतर्गत दोन अनोळखी व्यक्तीविरोधात गुन्हा दाखल करून तपास सुरु केला आहे. पोलीस बँक व्यवहाराच्या माध्यमातून आरोपींच्या मागे लागले आहेत. लोकांनी अशा फसवणुकीपासून सावध राहण्याचे आवाहन पोलिसांनी केले आहे.

हेही वाचा: Raj Thackeray : "युतीचं नाटक की नात्याचं नवं पर्व? – मनसेची स्पष्ट भूमिका, शिवसेनेला घरचा आहेर!"