CM Eknath Shinde : छत्रपती शिवाजी महाराजांच्या पुतळ्याबाबत मुख्यमंत्री शिंदे यांची मोठी घोषणा, 'लवकरच राजकोट किल्ल्यात…'

CM Eknath Shinde News : मुख्यमंत्री एकनाथ शिंदे म्हणाले, छत्रपती शिवाजी महाराज हे युगपुरुष आहेत. राज्याचा आणि देशाचा अभिमान आहे. महाराष्ट्र सरकार आणि नौदल लवकरच राजकोट किल्ल्यात भव्य पुतळा बसवणार आहेत.

मनमाड :- सिंधुदुर्गात छत्रपती शिवाजी महाराजांचा पुतळा कोसळल्याच्या Shivaji Maharaj Statue Collapse घटनेवरून राजकीय वातावरण तापले आहे. दरम्यान, शिवाजी महाराजांच्या पुतळ्याबाबत मुख्यमंत्री एकनाथ शिंदे CM Eknath Shinde यांनी शुक्रवारी (30 ऑगस्ट) मोठी घोषणा केली आहे. लवकरच राजकोट किल्ल्यावर छत्रपती शिवाजी महाराजांचा भव्य पुतळा बसवण्यात येणार असल्याचे त्यांनी सांगितले.

सिंधुदुर्ग जिल्ह्यातील मालवण तालुक्यातील राजकोट किल्ल्यावरील छत्रपती शिवाजी महाराजांचा पुतळा 26 ऑगस्ट रोजी कोसळला. या घटनेवर विरोधकांनी जोरदार टीका करत या घटनेने महाराष्ट्राचा स्वाभिमान दुखावल्याचा दावा केला होता.मुख्यमंत्री एकनाथ शिंदे म्हणाले, "छत्रपती शिवाजी महाराज हे युगपुरुष आहेत. ते राज्य आणि देशाची शान आहेत. राजकोट किल्ल्यावर घडलेली घटना दुर्दैवी आहे.राज्य सरकार आणि नौदलतर्फे लवकरच तेथे पुन्हा भव्य पुतळा बसवला जाईल."

नांदगाव येथे विकसित होत असलेल्या शिवसृष्टी प्रकल्पाच्या पहिल्या टप्प्याचे उद्घाटन केल्यानंतर मुख्यमंत्री एकनाथ शिंदे जनतेला संबोधित करत होते. नांदगाव शहराच्या विकासासाठी हा प्रकल्प ऐतिहासिक पाऊल असल्याचे त्यांनी सांगितले. नगर परिषदेच्या नवीन इमारतीच्या बांधकामासाठी आपले सरकार 10 कोटी रुपये देणार असल्याचे त्यांनी सांगितले.